Home Notisia SEII Observa: Tribunal Sempre fó Pena Suspensaun ba Agresór ne’ebé Komete Krime...

SEII Observa: Tribunal Sempre fó Pena Suspensaun ba Agresór ne’ebé Komete Krime VD

293
0
Marsa kontra Violensia Domestika. [foto: Joselina | 08.07.2022]

Reportajen estudante estajiadu UNTL, Joselina dos Santos

Sekretária Estadu Igualdade no Inkluzaun (SEII), observa katak Tribunal sempre fó pena suspensaun, tuir loloos iha penas barak ne’ebe tribunal bele atribui ba arguidu sira, maibe dala wain ita haree ne’e pena suspensaun mak bain-bain aplika ba suspeitu ka agresór sira ne’ebe komete viólensia doméstika.

Sekretária Estadu Igualdade no Inkluzaun (SEII), Maria do Rosário Fatima Correia hatete dezafiu mak wainhira iha Tribunal sempre fó pena suspensaun, pena suspensaun la’os ladiak mais garantia sé mak atu halo monitorizasaun ba pena suspensaun ne’e rasik.

SEII sei halo Impoderamentu iha orsamentu ne’ebe mai ho transferénsia públiku  ho rotativa, no fó ona ba grupu barak iha munisípiu hotu, feto ne’ebe hetan orsamentu rotativa mai ho nia valór $2.000  ba iha grupu vulneravél, ema ho defisiénsia no ba vítima violénsia doméstika, abuzu sexual sira atu reforsa sira nia ekonomia uma laran.

“Ami mos fó apoiu $1.000 mais ida ne’e la rotativa, mais orsamentu ne’e ba sira atu oinsa halo sira nia negósiu atu reforsa sira nia ekonomia iha sira nia uma laran, ida ne’ebe rotativa sei hetan nia jurus depois rotativa fali ba grupu sira seluk”, dehan, SEII Maria do Rosário Fatima Correia hafoin komemora Lei Kontra Viólensia Doméstika iha Palasiu Prezidensial Bairo-Pité, 05/07.

Nia hatutan, Grupu feto hamutuk 660 no grupu mane hamutuk 200 mak hetan ona, tanba grupu ida kompostu husi ema nain sanulu feto 8 no mane 2, depois sira halo negósiu balun faan Obralan, hakiak manu, hakiak fai, suru tais, kuda modo no faan ikan depende ba sira nia área negósiu fundus rotativa no mos ema ho difisiensia  entaun osan $ 2.000 ne’e sira tranferensia fali ba grupu seluk.

“Iha 262 suku mak hetan ona orsamentu rotativa ne’e, espera katak orsamentu rotativa ne’e sei nafatin  kuandu sira hetan lukru diak husi sira nia negósiu entaun orsamentu $ 2.000 ne’e   rotativa fali grupu seluk”, nia akresenta.

Nia haktuir, parte Setór justisa nian, haree fila fali ba kotuk, wainhira prepara akuzasaun ruma tempu naruk, husi tempu ida ne’e katak lalais waihira prepara atu submete ba tribunal tan haree prosesu formal laos aan tempu, tanba uluk iha pensamentu katak prosesu justisa formal ne’e an tempu kleur, entaun SEII nia observasaun  mezmu sira mai ho  numeru ne’ebe kiik maibe iha area judisaun tribunal haat no 36 Juiza entaun iha setor justisa sei presiza atu reforsa tan rekursu umanu.

Print Friendly, PDF & Email

LEAVE A REPLY

Please enter your comment!
Please enter your name here