Reportajen estudante estajiadu UNTL, Joselina dos Santos
Sekretária Estadu Igualdade no Inkluzaun (SEII), hamutuk ho Prezidente Repúblika, parseiru nasionál no internasionál inklui jventude no labarik sira, komemora loron Lei Kontra Violénsia Doméstika (LKVD), no 7/2021 ne’ebé públika iha Jornál Repúblika iha loron 7 Jullu 2010, ohin loron implementa atu hasa’e sosiedade sira nia koñesimentu no sensibilidade hodi hapara krime públika violasaun kontra feto no labarik feto.
Sekretária Estadu Igualdade no Inkluzaun (SEII), Maria do Rosário Fatima Correia hatete, ita nia estadu iha inisiativa atu halo lei no lori ba konsellu Ministru atu aprova no Prezidente promulga ikus mai lei ne’e vigor no implementa lei no. 7/2010 ba lei kontra violénsia doméstika ne’ebe nia natureza kriminál katak sé deit mak haree tenke hato’o nia denunsia ba iha VPU no Ministériu Públiku sira.
Governante ne’e dehan, husi lei ne’e iha tipu violensia haat mak hanesan Fizika, psikolójika, Sexual no ekonomika kada tipu mai ho nia definisaun tanba lei ne’e mai ho natureza krime públiku, ita harmonia mos ho kódigu penal.
“Ha’u simu kana’ar ida ne’e, observa ona munisípiu haat mak hanesan Baucau, Viqueque, Ainaro no Aileu no vizita VPU tanba VPU sira mak bain-bain halo relatoriu ba iha kazu viólensia doméstika, entaun sira haree katak kazu ne’e dominante tebes mak kazu viólensia doméstika, violasaun seksual, insestu no abandona“, dehan, SEII Maria do Rosário Fatima Correia hafoin komemora Lei Kontra Viólensia Doméstika iha Palasiu Prezidensial Bairo-Pité, 05/07.
Nia relata tempu ba tempu kazu Viólenaia Dométika sei reduz tanba ita iha ona lei kontra viólensia doméstika, no mos estratéjia ba planu nasional viólensia bazea ba jéneru, husi planu asaun nasional ne’e iha área prevensaun primeiru mak SEII sei hamutuk ho parseiru ONG nasional no internasional nafatin enkoraja atu fó sosializa informasaun lei kontra viólensia doméstika.
“Ita la’os atu halakon viólensia doméstika iha Timor-Leste, maibe neikneik sei redús viólensia ne’ebe akontese beik-beik iha ita nia rain, tanba wainhira restaura independensia kazu viólensia doméstika to’o 500 kazu maibé ita hamosu lei Violasaun kontra feto no labarik feto nee komesa menus,” nia informa.
