Home EduTek Promove Internet Saudavel, Virgílio: Joven Sira Uza Telefone Hodi Dezenvolve Ita nia...

Promove Internet Saudavel, Virgílio: Joven Sira Uza Telefone Hodi Dezenvolve Ita nia An

144
0
SEKOMS ho KI iha kampanha internet saudavel iha Ensinu Sekundáriu Jerál 04 de Setembru. [Foto: Umbelina | 04.08.2022]

Reportajen Umbelina dos Reis

Sekretáriu Estadu ba Komunikasaun Sosiál (SEKOMS) hala’o kampaña nasionál kombate hoax no promove internet saudavel liu husi “sensibilizasaun  literária dijitál”  dalima ba Eskola Ensinu Sekundária Jerál 04 de Setembru.

Liu husi sensibilizasaun literasia dijitál ne’ebé hala’o iha Ensinu Sekundáriu Jerál 04 de Setembru, ho objetivu atu hasa’e estudante sira nia konxiénsia, atu utiliza Plataforma dijitál no enkoraja estudante sira atu uza internet ho pozitivu no saudavel hodi promove konteúdu ho kriatividade pozitivu atu domina plataforma dijitál hodi kontribui no minimiza Hoax iha plataforma dijitál iha média sosiál.

Sekretáriu Estadu ba Komunikasaun Sosiál (SEKOMS), Merício Juvinal dos reis Akara hatete kampaña nasionál dijitál literasia ne’e hanesan edukasaun sivika iha prosesu, kontinua no presija  tempu atu muda ema nia hahalok, kampaña nasionál ne’e foin hahu iha tinan kotuk, no oinsa impaktu husi kampaña ne’e, ita iha ona hanoin para matéria ida nee tama iha kurríkulu para hanorin ba iha eskola  sira, liu husi plataforma dijitál ita kontinua lansa nafatin 

“ita iha ona dadus ne’ebé mak ekipa IT SEkOms nian rekolla ona iha plataforma dijitál sira, tinan kotuk ema lansa  ID falsu ami identifika 80 resin, ekipa SEKOMS IT hare referénsia sira ne’e, entaun ita hakarak Timor-leste ba oin, se bele iha lei espesífiku kona kombate”, dehan Akara

Iha fatin hanesan Prezidente Konsellu Imprensa, Virgilio da silva Guteres “Lamukan” hatete  referénsia uluk ho agora iha diferensa ona, tanba tempu uluk komunika ba malu ne’e hakerek de’it, ho durasaun tempu kleur mak foin rona informasaun ruma, “telephone android sira ne’ebé mak agora ita uza nee meius ida hodi nune’e ita hato’o hanesan  opiniaun, opiniaun ne’ebé mak atu hato’o katak ha’u ne’e se ? espresaun mak hanesan domin, sensibilizasaun dijitál literasia tenke mai ho abilidade ida-idak nian identifika eskolla  informasaun, ne’ebé mak di’ak no kredivel ba dezenvolvimentu, entaun Konsellu Imprensa buka hodi fo hatene ba estudante no joven sira hotu, uza telephone hodi dezenvolve individualidade ita nia aan”.

Nia hatutan, jerasaun agora laiha istila bandu kaer telephone, eskola iha regra labele lori telephone hodi nune estudante bele tau atensaun ba matéria ho atividade sira ne’ebé professors sira fo, maibé moris  bai-bain joven sira tenke domina duni telephone, tanba ita la hatene tinan lima ou tinan sanulu mai tan ne’e oinsa? iha tinan 1990 – 2005 ne’e jerasaun millennial, iha tinan 2010- 2020 nee jerasaun alba, nune’e sira tenke moris ho telephone duni tanba saida ? tanba dezenvolvimentu umanidade ne’e defende ho informasaun.

“Joven barak mak agora la ba ona museum, biblioteka atu lee leitura no hare arquivu sira, maibé sira uza telephone tu’ur iha fatin hodi asesu ba biblioteka no informasaun saida de’it, tanba tempu ne’e importante, entaun joven sira tenke domina duni telephone ho plataforma”, Nia Salienta

Prezidente Konsellu  Imprensa enkoraja ba estudante no joven sira ne’ebé uza telephone Android, tenkí uza ho responsabilidade, relijiaun, razaun, domin hodi  espresa ideia no fo benefísiu ba ita nia aan rasik.

Print Friendly, PDF & Email

LEAVE A REPLY

Please enter your comment!
Please enter your name here