Home Notisia MOJESRA Kestiona Instalasaun Liña Eletrisidade Iha Raiheu Iha Falsifikasaun Dokumentu

MOJESRA Kestiona Instalasaun Liña Eletrisidade Iha Raiheu Iha Falsifikasaun Dokumentu

261
0
Movimentu Juventude no Estudante Suku Raiheu (MOJESRA) halo konferensia imprensa. [Foto: Adroaldo | 03.08.2022]

Reportajen Adroaldo “Saretukau”

Movimentu Juventude no Estudante Suku Raiheu (MOJESRA), Postu Administrativu Kailaku, Munisípiu Bobonaro hato’o sira nia preokupasaun ba públiku, hodi kestiona relasiona ho projetu eletrifikasaun pakote 36, hodi halo instalasaun liña eletrisidade iha Suku Raiheu, Postu Kailaku, Munisípiu Bobonaro ne’ebé mosu irregularidade ho asaun falsifikasaun dokumentus ba vizita lokal (site visit), hodi esklui Aldeia Aitutu no ajusta fila-fali ho Aldeia Maganutu ne’ebé la’os pertense ba Suku Raiheu, no la involve iha pakote 36 ba projetu refere.

Liu hosi konferénsia imprensa ne’e, Porta Voz MOJESRA, Eliseu Maia dehan, “bazeia ba anúnsiu ne’ebé publika husi EDTL.EP, Suku Raiheu nia Aldeia tolu hanesan Aitutu, Ohoana no Daruasa kobre hotu ba instalasaun eletrisidade tuir publikasaun ne’ebé iha, hahú husi survey, dezeñu BOQ no aprovasaun orsamentu, maibé iha terenu vizitasaun lokalizasaun (site visit) la tuir mapamentu publikasaun husi EDTL.EP rasik.” dehan Eliseu

Ho lamentasaun hirak ne’e mak movimentu MOJESRA husu ba iha parte kompetente hanesan CAC, PDHJ, PN no komisaun E ne’ebé trata asuntu infraestutura atu halo investigasaun imediatamente ba aktu ne’ebé Prezidente EDTL ho nia ekipa prátika, tanba sira konsidera iha tendénsia ba kurrupsaun  Burla agravadu hasoru povu oprimidu sira iha área rural.

Print Friendly, PDF & Email

LEAVE A REPLY

Please enter your comment!
Please enter your name here