Home Notisia MNEK Informa Misaun FMM-ASEAN Ba Ministru Estranjeiru Singapore nian

MNEK Informa Misaun FMM-ASEAN Ba Ministru Estranjeiru Singapore nian

75
0
Ministra Adalgisa enkontru ho Ministru Vivian. [Foto: Media MNEK | 03.08.2022]

Reportajen Adroaldo “Saretukau”

Ministra Negósiu Estranjeiru no Kooperasaun (MNEK), Adaljiza Magno, hasoru malu ho nia omólogu Ministru Negósiu Estranjeiru Singapura, Vivian Balakrishnan, iha marjen 29, Forum Rejional ASEAN (ARF), iha Phonm Penh, Kamboja, loron 2 Agostu.

Liu hosi karta komunikadu ne’ebé Neon Metin asesu, sorumutu ne’e, Ministra Adaljiza informa ba Ministru Vivian konkluzaun konabá Fact Finding Mission (FFM) hosi ASEAN ba Timor-Leste, foin lalais ne’e. Alein de ne’e, Ministra Magno aproveita manifesta mos intensaun Prezidente Timor-Leste, Ramos Horta ni-nia vizita ba Singapura iha semana daruak fulan Setembru tinan ne’e.

Nune’e mos Ministro Balakrishnan hato’o mos apoiu Singapura nian ba adezaun Timor-Leste ba ASEAN. Singapura kontinua empeña nia apoiu dezenvolvimentu kapasitasaun hodi fortalase rekursu umanu Timor-Leste nian.

Sorumutu ne’e ho partisipasaun mos hosi Embaixador Timor-Leste ba Reinu Kamboja, Hermenegildo Kupa Lopes, Diretor Jeral ba ASEAN, Milena Rangel, Diretora Nacional ba Pilar Seguransa Polítika ASEAN, Elisa da Silva, Diretora Nacional ba Pilar Ekonómiku ASEAN, Aleixo Gusmão no Assessor Ministra, Carlos de Araújo.

Print Friendly, PDF & Email

LEAVE A REPLY

Please enter your comment!
Please enter your name here