Reportajen Filomena Da Conceição
Sekretàriu Estadu Profisionál no Empregu (SEFOPE) realiza serimónia despedida ba Traballadór Timoroan na’in 100, ne’ebé sei arangka ba Korea do Sul iha loron 20 no 27 fulan ne’e.
Sekretàriu Estadu Profisionál no Empregu (SEFOPE), Alarico do Rosario hateten seremonia despedida ne’e baibain hala’o atu hetan aseita husi familia no Governu sira, nune’e mós fó lia menon ruma ba traballdór sira molok sira sai husi Timor ba servisu iha rai liur.
“Hanesan bainbain, ita nia maluk Timoroan sira ba servisu iha rai liur ita sempre loke abertura ida dehan katak ita ho familia aseita no Buat ida ema bolu despedida nomós ita hameno netik buat ruma sira lori ba servisu iha ema nia rai tanba, husi nasaun ida ba nasaun ida. Ida ne’e hanesan papel importante, tuir oitavu Governu dehan katak ita atu reduz dezempregu dalan seluk laiha, dalan mak ida ne’e hodi loke oprtunidae ba Timoroan sira atu ba servisu iha rai laran kontinua servisu ne’ebé atu ba servisu iha rai liur ita kontinua sevisu sira bele ba servisu” dehan Alarico ba jornalista sira iha Timor Lodge, kinta 17/11.
Nia haktuir traballadór sira atu ba Korea do Sul la’os ba servisu deit maibé servisu ne’ebé sira hetan hodi aprende atu hadia sira nia skill hodi aumenta sira nia abilidade loron ida sira fila mai Timor hodi kaer rasik kuda talin hodi servisu iha sira nia rai atu kontribui ba dezenvolvimentu rai ida nee.
“Objetivu sira ba la’os atu servisu deit maibè ita hatene katak sira ba aprende nomós sira servisu. Aprende katak sira ba hetan servisu iha ne’ebá sira aprende servisu ne’ebé hadia sira nia skill, sira nia abilidade loron ida sira fila mai Timor kaer kuda talin rasik hodi servisu iha sira nia rai, sira ba buka osan mós ba sira nia nesidade familiar nomós sira bele halo kontribuisaun ba dezemvolvimentu rai ida ne’e”. Nia dehan
Iha fatin hanesan Diretòr Diresaun Nasional Empregu Exteriòr (DNEE) Filomeno Soares hateten katak seremonia despedida ba loron ohin nee atu halo aseitasaun entre familia ho Governu atu nune’e aban bain rua sira iha responsabilidade ba traballadór hirak ne’ebé mak atu ba servisu iha rai liur.
“Objetivu ba loron ohin ida ne’e hakarak fó hatene ba familia sira ba ita hotu-hotu iha fatin ida ne’e para atu bele halo aseitasaun entre familia ho Governu, atu nune’e aban bainrua ita hotu-hotu iha hanoin ida katak aban bainrua ita hotu iha responsabilidade ba ita nia oan sira ne’ebé maka husik hela ita ba servisu” nia esplika
Nia salienta katak totàl dadus traballdores ne’ebè atu aranka ba Korea do Sul hamutuk Nain 100 tuir lolos nain 109 maibè tanba iha nain 9 balun failla iha medikal, no iha balun Problema orsamentu laiha.
Seremonia despedida ne’e hetan partispasaun husi Sekretàriu Estadu Profisionál no Empregu ( SEFOPE) Alarico de Rosario, Diretòr Diresaun Nasional Empregu Exteriòr (DNEE), Filomeno Soares, Reprezentante Embaixada Korea, Xefe Gabinete Ministeiro kordenadór asuntus economia, Diretòr sira, Asessor Nasional no Internasional, Traballador 100 no Familia traballadòr sira.
