Reportajen Joselina Dos Santos
Xefe Suku Manutasi Postu-Administrativu Ainaro, Munisipiu Ainaro, Manuela da Silva Caldas husu governu presiza hadia setor edukasaun iha Ainaro, tanba eskola balun to’o agora laiha fasilidade no kondisaun aat, estudante na’in 50 bele tama hamutuk iha sala ida, no kuadru ida fahe ba rua inklui mos sentru saúde sira seidauk asesu ba bee moos.
Nune’e mós iha Ainaro preokupasaun tebes ba bee moos liga ho sentru saúde, bainhira sentru saúde iha harii iha kada postu-administavu maibe bee moos laiha ne’e hanesan oinsa profisional saúde sira bele fo atendimentu ba pasiente sira buat hotu presiza bee tanba ne’e tenke tau atensaun mos ba problema sira ne’ebé.
Alende ne’e konaba agrikultura iha Suku Kasa no Suku Manutasi iha natar irrigasaun, maibe impaktu husi akontesimentu iha loron 4 Abril 2021, estraga irigasaun hotu, entaun komunidade lubuk ida mak husik sira nia natar, nune’e husu governu iha tinan 2013 ne’e ami hakarak hadia fali ami nia irigasaun sira ne’e hodi hala’o fali atividade hanesan bain-bain”, Dehan, Xefi Suku Manutasi Postu-Administrativu Ainaro, Manuela da Silva Caldas Ba Neon Metin iha Hotel Luz Clarita, 09/11.
Autoridade ne’e informa, Edukasaun iha munisipiu Ainaru eskola balun ho kondisaun ne’ebe aat ona enataun estudante ho total 50 tenke tama hamutuk ho aula ida no kuadru ida fahe ba rua, profesores balun la’o distanisa km 6 hafoin to’o eskola referee entaun tarde no balun laba ba eskola Ho alasan oin-oin entaun oinsa estadu nia solusaun ba problema ne’e.
