Home Notisia PUDD, UDT no FM Hasoru Malu Ho Prezidente Horta, Halo Konsultasaun Data...

PUDD, UDT no FM Hasoru Malu Ho Prezidente Horta, Halo Konsultasaun Data Eleisaun 2023

129
0
Prezidente Reoublika halo enkontru ho UDP, PUDD no FM. [Foto: Media PR | 25.01.2023]

Reportajen David da Costa

Prezidente da Republika (PR), Dr. José Ramos-Horta ohin halo konsulta uluk ona ho partidu polítiku sira, hanesan Partidu Uniaun Demokrátika Timorense (UDT),  Frente Mudansa, Partidu Unidade Dezenvolvimentu Demokrátiku (PUDD), hodi rona sira nia opiniaun hafoin Xefe Estadu anunsia data Eleisaun Parlamentár 2023.

Ba jornalista sira Prezidente Partidu Uniaun Demokrátika Timorense (UDT),  Francisco David hateten, UDT mai ho partidu tolu ne’ebé uluk halo koligasaun, hodi responde ba konvite ne’ebé mai husi Prezidente Repúblika hodi haree ba data eleisaun parlamentár 2023. Xefe Estadu adiata ba UDT, PUDD, no Frente Mudansa katak iha previzaun ba eleisaun parlamentáar sei monu iha loron 6 ka 12 Maiu 2023.

Tanba ne’e haree tuir konstituisaun Repúblika iha artigu 86 alínea C hatete katak, kompeténsia tomak ba Xefe Estadu nian, hodi dekreta data ba eleisaun parlamentár, ho ida ne’e mak UDT prontu no sei submete de’it ba desizaun ne’ebé Xefe Estadu nian.

“Kona-ba data loloos iha previstu ba sira katak loron 6 ou 12 Maiu, maibé data loloos ba eleisaun parlamentár Xefe Estadu sei anunsia hafoin konsultasaun ho partidu polítiku sira, hodi konfirma loloos loron ba eleisaun,” Dehan Prezidente Partidu UDT ba jornalista hafoin remata enkontru ho prezidente Republika Jose Ramos-Horta, Iha Palásiu Prezidensiál Bairo-Pite, Kuarta 25/01.

Tuir UDT laiha tan pozisaun ruma relasióna ona kompeténsia Xefe Estadu nian, hodi dekreta data ba eleisaun, tanba ne’e UDT sei halo tuir de’it desizaun Xefe Estadu nian tanba Xefe Estadu nia desizaun hanesan mós UDT nia desizaun.

Alende de ne’e mós UDT nia preparasaun ba eleisaun parlamentár 2023 másimu hahú husi baze no UDT laiha hanoin atu halo koligasaun pre-eleitorál.

Iha fatin hanesan Prezidente Partidu Frente Mudansa,  Ricardo Nheu, haktuir katak kona-ba markasaun data ba eleisaun ne’e kompeténsia tomak Xefe Estadu nian, Frente Mudansa prontu atu partisipa no saida mak Xefe Estadu ka’oalia, Frente Mudansa sei submete. Frente Mudansa prontu iha kualkér tempu atu hasoru eleisaun parlamentár 2023 tuir data ne’ebé Xefe Estadu sei dekreta.

“Hafoin Xefe Estadu dekreta loron eleisaun parlamentár mak Frente Mudansa foin deside atu iha koligasaun pre-eleitorál ka la’e, tanba ida ne’e interna partidu,” Tenik nia.

Entretantu Prezidente partidu, Unidade Dezenvolvimentu Demokrátiku (PUDD), Silvestre Sufa mós hateten, partidu PUDD mai hasoru Xefe Estadu hodi ko’alia asuntu ne’ebé Xefe Estadu iha, mak ko’alia kona-ba markasaun loron ba eleisaun parlamentárár nian.

Emprinsipiu partidu PUDD hatete katak dekreta loron eleisaun parlamentár ne’e direitu preogrativu Xefe Estadu nian, no PUDD hanesan partidu polítika prepara de’it nia an atu bainhira de’it mak Xefe Estadu dekreta loron eleisaun partidu PUDD prontu hasoru eleisaun jerál ne’ebé iha. PUDD hein de’it bainhira mak eleisaun tuir loron ne’ebé Xefe Estadu dekreta.

Nune’e mós, PUDD nia preparasaun klaru ona hahú kedas iha 2021, tanba partidu polítiku nia servisu iha buat rua, ida mak servisu diáriu no seluk mak servisu polítiku. PUDD loro-loron la’o hela tanba ne’e prontu ona atu enfrenta eleisaun iha kualkér momentu bainhira Xefe Estadu dekreta loron eleisaun.

Print Friendly, PDF & Email

LEAVE A REPLY

Please enter your comment!
Please enter your name here