Reportajen Umbelina dos Reis
Liu hosi Federasaun Silat Timor-Leste (FESTIL) nia kongresu nasionál ba datoluk hodi ho tema “Hametin Festil hodi Kontribui Ba Dezenvolvimentu Nasional,” Sekretáriu Estadu Juventude no Desportu (SEJD), hateten, arte marsial hanesan modalidade kulturál, espirituál no desportiva, nune’e ita hamutuk lori arte marsial sai presiozu iha nasaun Timor-Leste.
Sekretáriu Estadu, Abrão Saldanha Nokosiku, hato’o ba Prezidente FESTIL eleitu atu esforsu ba dezemvolvimentu arte marsiais hanesan modalidade desportiva iha Timor-Leste.
Nia dehan, misaun importante ida husi estrutura eleitu mak oinsá muda imajen arte marsias ne’e ho di’ak, tanba arte marsial iha kultura no espiritu desportu ne’e mak dehan arte. Arte katak furak, maibé ida ne’ebé tuda malu ne’e la’os arte.
“Nune’e organizasaun nia misaun mak atu promove arte marsiais ne’e hanesan modalidade desportu ida ne’ebé kontribui esensial ba armonia sosial no integra pesoa umana nian,” dehan Sekretária Estadu, Abrão.
Lori governu nia naran kongratula ba FESTIL nia membru tomak, importante no prinsipal liu membru asosiadu sira li-liu organizasaun 6 ne’ebé mak hamahan aan iha FESTIL nia laran. Governu iha interese boot ba FESTIL para atu ajuda governu hodi transforma arte marsiais ba modalidade desportiva.
Governante ne’e dehan, governu komprometidu ona apoiu dezemvolvimentu arte marsial. Nia anunsia ba FESTIL katak, US $160 ital mil garantidu iha KRAM nia liman, orsamentu ne’e la foti arbiru, maibé tenki foti tuir forma dalan hodi dezenvolve arte marsiais, atu asegura sekretariadu, resensimentu membru kampionatu kompetisaun nasionais, sede sekretariadu.
Nia husu, atu arte marsiais ni-nia líder presiza iha lideransa di’ak ba nia membru no organizasaun. Sekretária Estadu mos ankoraja Prezidente FESTIL ne’ebé hato’o atu lori Timor-Leste ba mundu, nune’e nia husu atu presiza tau atensaun ba kestaun treinadores, akreditasaun de treinadores, aseitasaun de treinadores, update lai internasional persilat ni-nian, nune’e bele dezenvolve di’ak liu arte marsiais ne’e.
“Se hanoin dehan arte arsial ne’e potensial ba Timor, tempu atu enkuadra joven sira iha Timor nia dezenvolvimentu nasional bele fo kontinuasaun oinsá mak bele halo dezenvolvimentu ba arte marsial iha Timor-leste.” dehan Abrao iha salaun CNE, 28/01
SEJD ho KRAM halo subsídiu de regresaun, haforsa kapasidade organizasaun liu hosi subsídiu, ne-neik subsídiu governu sei hatun, kapasidade organizasaun sa’e mak ita hetan osan. Tinan ida resin ona nia iha fiar metin katan arte marsial no organizasaun sira falta organiza aan katak osan boot liu estadu.
