Reportajen David da Costa
Partidu Libertasaun Povu Aileba (PLPA) iha Aldeia Kabu Rema, Suku Maubisse Postu Administrativu Maubisse, Munisipiu Ainaro ne’e, ho nia programa ne’ebe fahe ba komunidade sira iha area refere foka liu konaba hadia edukasaun, saúde, infraestrutura, turizmu no agrikultura, nune’e bele responde preokupasaun sira nebe povu sira nebe sei moris kiak no mukit
Prezidente Partidu Libertasaun Povu Aileba (PLPA), Francisco Gomes hateten planu PLPA nian maka sei hadia Dezenvolvimentu iha rai laran, liuliu halo dezenvolvimentu ba setór agrikultura, Turimsu, Edukasaun Saúde no infraestrutura, atu nune’e bele hasai povu husi liña fobreza.
“Politika partidu PLPA maka ne’e, ita haree, ukun an durante tinan 20 ona, buat hotu la’o la diak iha Timor laran tomak, ne’e laos iha Maubisse, maibé iha fatin hotu-hotu hanesan. Ita tenke liberta povu husi kiak no mukit. Planu PLPA nia maka ne’e tenke hadia edukasaun, saude, Estrda, infraestrutura, Turismu nomós agrikultura, Ami la halo barak,” dehan Prezidente PLPA, Farancisco, bainhira halo Konferensia imprensa, iha Aldeia Kabu Rema, Suku Maubisse Postu Administrativu Maubisse, Munisipiu Ainaro Ne’ebé Neon Metin asesu husi Live Streaming RTTL.ep, Kuarta, 19/04.
Nia haktuir, iha Postu Administrativu Maubisse iha potensia ba iha setór agrikula, hanesan modo tahan, feuk roupa refollu no seluk tan, maibé kondisaun infraestrutura estrda sai difikulade ba komunidade atu asesu ba merkadu.
Iha fatin hanesan Koordenador PLPA Munisipiu Ainaro, Abilo Tilman presiza hadia povu nia moris hodi sai husi mukit, presiza hare hamutuk no tane aas nasau ida ne’e
haktuir nu’udar Koordenadór Munisipiu Ainaro sei halo esforsu makaas hodi bele hetan fiar husi povu, nune’e povu bele vota ba partidu PLPA hodi kaer Governu atu bele hadia povu nia moria ne’e diak liu tan.
“Ita iha interse ida atu hadia povu nia moris, hadia ita nia oan sira atu bele sustenta ba sira nia futuru moris diak,” dehan Abilo.
