Home Justisa Fasilita Formasaun Ba Guarda Prizional: Garante Prevensaun Torturasaun no Violasaun Direitu Umanu...

Fasilita Formasaun Ba Guarda Prizional: Garante Prevensaun Torturasaun no Violasaun Direitu Umanu Iha Prizaun

400
0
PDHJ ho CNC fasilita formasaun ba Guarda Prizional. [Foto: Silvino | 26.04.2023]

Reportajen Silvino Freitas

Provedór ba Direitu Umanu no Justisa (PDHJ) ho Centru Nacional Chega! (CNC), hala’o formasaun ba guarda prizionál husi prizaun Becora hamutuk nain 80 durante loron 3, hodi garante prevensaun torturasaun no violasaun direitu umanu iha prizaun, no mos prizaun sei enfrenta problema saude no fatin ba dadur sira.

Tuir Provedór Virgilio da Silva Guterres hateten PDHJ nia servisu durante ne’e haree katak servisu guarda prizionál liga ba tratamentu baziku ba dadur sira, no iha padraun ne’ebé razoavél ho hahan di’ak tuir menu hahan semanál ne’ebé estabelese ona, maski iha reklamasaun balun maibé PDHJ nota katak guarda prizionál sira sempre oferese hahan ne’ebé nutritivu ba dadur sira.

“Buat ne’ebé PDHJ husu presiza hadi’a ne’e maka servisu saúde iha prizaun nia laran, seluk fali maka iha prizaun Suai laiha klinika, Bekora iha klínika maibé ai-moruk laiha” dehan provedór Virgilio iha CNC Balide.

PDHJ mós rekomenda, presiza iha sentru reabilitasaun prizaun ba labarik minoridade sira, tanba dadaun ne’e labarik sira ho idade ki’ik sei nafatin hamutuk ho dadur sira iha Bekora, nune’e mós ba iha futuru tenke iha sentru reabilitasaun prizaun ba feto ne’e ketak tanba iha gleno ne’e bloku mak ketak maibé prizaun ne’e ida de’it, nomós balun ne’ebé presiza halo investigasaun maka iha família tanba iha prizaun hasai foto no video, média sira ba hala’o kobertura maibé laiha autorizasaun husi diresaun nasionál guarda prizionál.

“Kona-ba tratamentu ba dadur sira felizmente to’o dadaun seida’uk iha keixa husi dadur no nia família sira, katak sira nia ema no família iha prizaun hetan tratamentu ne’ebé la di’ak” nia informa.

Fatin hanesan, reprezentante Ministériu Justisa Delfio Soares Alves haktuir, husi formasaun ne’e atu halo prevensaun ba violénsia no torturasaun no garante direitu umanu iha prizaun laran, no formasun ne’e kontinuasaun husi 2022 ne’ebé liu husi Ministériu Justisa ko’opera ho CNC no PDHJ atu kontinuasaun ba formasaun ba gurda prizionál.

“Ohin ne’e formasaun ba guarda prizionál husi bekora hamutuk 80 pesoas, maibé ohin ne’e faze dahuluk ba ema na’in 40 ba loron 3 no sei iha kontinuasaun na faze tuir mai” nia konklui.

Print Friendly, PDF & Email

LEAVE A REPLY

Please enter your comment!
Please enter your name here