Reportajen David da Costa
Jornalista sira nia esperansa ba iha governu foun mai, atu kontinua promove Liberdade imprensa no Liberdade espresaun, atu nune’e bele fó espasu ba iha jornalista sira hodi halo kobertura. Tanba papel jornalista sira mós importante hodi hatutan infórmasaun iha sosiedade noo publiku.
Jornalista média Dili Post, Anita Silva, hateten, durante semana hira ne’e, akompañia partidu politiku sira nia kampaña, sira ko’alia liu kona-ba infraestrutura liu-liu iha setor Saúde,Eukasaun, Agrikultura, Ekonomia, Inklui mós hadi’a Estrada, Eletrisidade no oferese bee moos ba Komunidade sira, iha balun mós ko’alia kona-ba atu dezenvolve fatin Turismo komunitaria, no loke kampu servisu iha rai laran no rai liur atu hamenus dezempregu iha rai laran.
“Durante ha’u akompaña sira nunka ko’alia kona ba liberdade imprensa no espresaun, maibé tuir lolos ita tenke ko’alia mós kona-ba liberdade Imprensa no espresaun, tanba papel média importante tebes ba prosesu hari demokrasia iha Timor-Leste,”dehan Jornalia Media Diili Post, ba Neon Metin, liuhusi via whatsApp, Kuarta, 26/04.
Nia haktuir, dala barak iha Instituisaun balun fó prioridade liu ba média hanesan televizaun deit, no la fó média kiik sira halo kobertura. Tanba ne’e espera partidu ida ne’ebé maka kaer ukun tenke fó espassu ba média sira hotu halo kobertura, tanba iha Konstituisaun RDTL iha artigu 40, 41 ne’e, garante kona-ba liberdade imprensa no lilberdade espresaun.
“Ha’u nia esperansa ba Governu foun mai, atu kontinua promove liberdade imprensa no espresaun, tanba haree ba papel média nian importante tebes, liuhusi média ema hotu bele asesu infórmasaun,” nia esperansa.
Nune’e mós, Jornalista husi Timor Post, Mariano Do Santos Abi, dehan, durante ne’e akompañia partidu politikus sira nia kampaña liuhusi live streaming sira, maibé laiha partidu politus ida maka atu ko’alia kona-ba liberdade imprensa no espresaun, liuliu kona-ba servisu média nian, maske média ne’e halo servisu ida ne’ebé maka immportante hodi hatutan infórmasaun ba sosedade sira.
“Tanba ne’e, ha’u nia esperansa ba Governu foun mai, tenke fó espasu ba média sira hodi hatutan infórmasaun ba ita nia komunidade sira, tanba komunidade sira iha erra ida agora ne’e asesu informasaun liu husi Média Sosiál, ne’ebé média sira sempre fó sai infromasaun barak liuhusi média sosiál, ho ida espera governu foun bele kria espasu ba média sira halo kobertura,” nia esperansa.
Alende ne’e mós, jornalista Média Lafaek News, Rosa Fernandes, haktuir, bainhira partidu sei deit maka manan hodi fórma nonu Governu, tenke tau mós programa prioridade ida ba Liberdade imprensa no espresaun, atu nune’e fó espasu ba jornalista sira atu hala’o’ nia knar Jornalizmu. Tanba papel jornalista ne’e mó importante, tan liuhusi jornalista smaka sosedade sira bele asesu informasaun sira ne’ebé akontesemntu iha rai laran no mós rai liur.
“Ho ida ne’e, ha’u nia esperansa ba iha governu foun mai ne’e, tenke tau importansia mós ba papel jornalista sira nian ,tanba liu husi jornalista maka ema barak asesu infórmasaun ho diak. Tanba ne’e, ha’u espera partidu polítiku sira se mak atu manan hodi kaer nonu governu karik tau mós programa prioridade ba Liberdade imprensa no espresaun atu fó espasu ba jornalista sira atu halao nia knar iha rai doben ida ne’e,” nia esperansa.
Jornalista média One Timor, Marcelino Tomae, mós haktuir, iha orgaun balun halo atendimentu ba iha jornalissta sira ladun di’ak , tanba, média ki’ik sira bainhira atu halo entervista sira lakoi fó komentriu, maibé sira buka maka média boot sira de’it.
“Atendimentu ba Jornalista sira ne’ebé destkadu iha PN ladún di’ak, tanba deputudu/a sira iha Parlamentu Nasionál bainhira ita atu entrevista, maibé sira buka maka media boot sira, hanesan ita haknaar ita instituisaun kiik sira lakohi fó komentáriu,” nia dehan.
Tanba ne’e nia esperansa ba Governu ida mai ne’e, hodi forma nonu Governu, bele haree problema sira ne’e, tanba média iha papel importante hodi divulga informasaun ba publiku enjerál.
Jornalista husi média Naunil, Ana Ribeiro hateten, iha instutisaun Governu nia balun lakoi fó espasu ba média atu halo kobertura. Dala barak jornalista atu komfirma asuntu balun ba fontes, maibé fontes ne’e dehan sibuk liu maibé haree di’ak nia la sibuk ida, tanba ne’e governu foum mai, tenke hadia Sistema sira hanesan ne’ee fó espasu ba média hhodi halo kobertura.
“Hau nia esperansa ba Governu foun mai, karik bele fo espasu ba média sira halo sira nia servisu hanesan jornalista, se karik jornalista sira ba konfirma asuntu ruma keta taka dalan ba média sira. Hau hakarak Governu foun mai ne’e servisu hamutuk ho jornalista no halo komunikasaun di’ak ba jornalista,”nia esperansa.
