Reportajen Joselina dos Santos
Forum Organizasaun Naun-Governamental Timor-Leste (FONGTIL), lamenta tebes ba Publikasaun Pajina Eletrisidade de Timor-Leste, Emprezariu Públiku (EDTL, E.P), ne’ebe dehan sistema venda enerjia liu ona tinan 10 e sentru venda liu 400 mak asesu no todan atu opera. Nune’e husu ba Governu tau atensaun ba lideransa EDTL, E.P ne’ebé kapasidade Minimu atu jere empreza estatal ne’ebé ladi’ak hodi prejudika ba komunidade.
Liuhosi Konferensia Imprensa, Ofisial Advokasia FONGTIL Jorge Madeira hateten, FONGTIL nu’udar Assosiasaun ba membru ONG lokál, nasionál no internasionál hamutuk 270. Ho nia Personalidade jurídika bazeia ba Dekretu – Lei Nu . 5/2005 loron tolu (3) Agostu. Hanesan mós ho organizasaun sosiedade sivil ida iha Timor-Leste , ne’ebé ho nia mandatu haat, FONGTIL mak Desaminasaun Informasaun, Koordenasaun, Empoderamentu ba Membru no advokasia.
“Tuir K.RDTL Artigu 53 (Direitu konsumidór sira-nian) aliña A katak Konsumidor sira iha direitu atu simu sasán no servisu ne’ebé iha kualidade, nomós atu hatene informasaun loos, kona-ba sasán sira-ne’e atu proteje sira-nia saúde, seguransa nomós interese ekonómiku nomós atu bele hadi’a buat ne’ebé aat “, dehan Ofisial Advokasia FONGTIL, Jorge Madeira, iha Salaun FONGTIL Kaikoli, kuarta 03/05.
Ho nune’e FONGTIL kondena Kapasidade Prezidente EDTL,E.P ne’ebé hanesan empreza estatál iha rekursus oioin atu atende nia Povu ne’e di’ak mak sai Lentu loos hodi halo povu sira forma ne’ebé Naruk hodi sosa Pulsa eletrisidade. Nune’e FONGTIL husu ba Governu atu tau atensaun ba lideransa EDTL, E.P ne’ebé kapasidade Minimu atu jere Emoreza estatal ne’ebé ladi’ak hodi prejudika tebes komunidade sira atu akompaña polítika ne’ebé la’o daudauk iha Timor – Leste.
“EDTL ho TIC Timor halo ezersisiu depois deteta mós katak iha ema entre iha sistema ou hack hodi halo sistema opera la normál . Serake TIC Timor no EDTL, E.P deskobre ona, nusa la halo prosesu legál hasoru ema ne’e tanba komete ona krime ou frauded hasoru estadu”, nia dehan.
