Home Notisia Fokupers: Lamentavel ho Kazu Abuzu Sexual Viral iha Facebook

Fokupers: Lamentavel ho Kazu Abuzu Sexual Viral iha Facebook

1183
0
Diretora Ezekutiva Fokupers, Maria Fatima Pereira Guterres. [Foto: Santy | 09.02.2023]

Reportajen David da Costa Gusmao

Relasiona ho kazu asedu sexual ne’ebé maka viral iha media sosial, iha loron hirak nia laran, Neon Metin halo konfirmasaun ho  Organizasun feto FOKUPERS, ne’ebe halo advokasia no defende direitu feto nian.

Iha entrevista Diretora Ezekutivu FOKUPERS, Maria Fátima Pereira Guterres hateten, atu dehan loloos katak buat ne’ebé liga ba violénsia bazeia ba jeneru ne’e, Fokupers la bele simu, tanba ne’e hatun ema ida  nia dignidade, halo moe ema, iha parte ida fisikolojikamente ne’e ho mós emósional. Entaun, haree didiak iha parte asedu sexual nian, ne’e iha tipu tolu maka liuhusi asaun verbal, asaun fizika no liuhusi media.

“Hau hanoin katak, buat ne’ebé ita haree daudaun la’os deit kazu horseik, hodi bainrua liu bá ne’e, maibé ne’e ita bele dehan katak kazu sira ne’ebé akontese liu ona, durante tempu kampaña ninia, politika ninia, kuaze ita barak liu uza feto hodi halo pratika ita nia politika sira, hodi atinje ita nia objetivu. Ida ne’e hanesan organizasaun feto ne’ebé durante ne servisu, hodi fó asisténsia ba feto, ami hanoin ida ne’e ami lamentavel tebes,” dehan Diretora Ezekutivu FOKUPERS, Maria Fátima Pereira Guterres, ba Neon Metin iha edifísiu Farol, Kinta 18/05.

Nia hatutan FOKUPERS seidauk halo deklarasaun ba iha kazu asédiu sexual ne’ebé maka agora dadaun viral iha media sosial, tanba FOKUPERS iha ne’e regra rasik hodi la’o tuir,  nune’e seidauk halo deklarasaun ruma ba iha kazu ne’e.

“Ami la’os problema, lakohi ka hakarak ne’e lae, ami mós iha ami nia prosedimentu, ami nia servisu tuir ami nia prosedimentu ne’ebé iha. Kazu asédiu sexual, tuir kontestu Timor seidauk konsidera hanesan kestaun krime, se iha nasaun seluk ne’e  krime, wainhira se deit maka bele haree, kuandu hato’o polisia bele mai kaer, la hanesan ho Timor, nia nain mak mai fó hatene,” dehan Diretora FOKUPERS

Nia hatuan kona-ba asédiu  sexual ne’ebe maka viral iha media sosial, FOKUPERS seidauk simu, “Ami seidauk simu kona-ba asuntu ida ne’e, maibé ami koko buka hela, ida ne’e mak meiu ida mai ami, tanba ne’e maka ami mós seidauk halo reazen direita ne’e. Se ami la’o maka la ho vitimia nia prezensa, depois ba iha prosesu legal wainhira husi Ministru publiku ho Tribunal husu, Vitima iha ne’ebé? Seola-ola ami maka iha interese fali vitima nia trata ida ne’e maka nia prosesu, dala ruma ema hanoin dehan buat hotu la’o ho fasil, soke ami maka inklina ida ne’e, ida ne’ebá, entaun ami lakoi halo ami nia asaun ne’e lae, tanba buat hotu la’o tuir nia prosesu ne’e maka dala ruma susar liu hodi limita organizasaun sira ne’ebé fó asistensia ho halo nia servisu”.

Nia esklarese FOKUPERS nia  hanoin  protesta  ne’e la siginfika tenke hamrik iha estrada no halo kampaña, hodi halo protesta kona-ba kazu sira ne’e, maibe bele liu husi karta konfidensial la presiza liuhusi publiku, tanba ne’e FOKUPERS sei haruka karta ba iha autor ne’ebé komete aktu asédiu sexual.

“Hau hanoin protesta ne’e la signfika hamrik iha estrada tenke halo kampaña, ami nafatin halo ami nia servisu sira, protesta ho buat seluk, iha tan asaun protesta seluk ne’ebé karik ita boot sira la hatene, ami hakerek karta direita ba ema ka autor ne’e, iha buat ne’ebé ami la publika mós, la presiza publiku atu hatene, maibé ami nafatin halo asaun sira ne’ebé ami halo liu haruka karta komfidensial ba ema sira baibain akontese,” nia esplika.

Print Friendly, PDF & Email

LEAVE A REPLY

Please enter your comment!
Please enter your name here