Reportajen David da Costa
Prezidente Parlamentu Nasional (PPN), Aniceto Longinhos Guterres konkorda ho Prezidente Republika (PR), Dr. José Manuel Ramos-Horta nia interpretasaun, hodi fo posse ba Membru Parlamentu Nasional foun no membru Governu foun iha fulan Juñu, maske ho diferensia interpretasaun, maibe interese estadu nian para prosesu sira ne’e bele la’o, Prezidente Parlamentu tuir deit interpretasaun Prezidente Repúblika nian.
Prezidente Parlamentu Nasional (PPN) Aniceto Longinhos Guterres, hateten ohin enkontru ho Prezidente Repúblika hodi ko’alia kona-ba transferénsia husi V lejizlatura ba VI lejizlatura, tuir rejimentu tenke hahú ho primeira reuniaun, agora atu realiza primeiru reniaun ne’e, maibé PN iha interpretasaun diferente ho Prezidente Republika. Konaba Interpretasaun diferente, diferente kedizer primeira reniaun tenke akontese, depois de lejizlatura, tanba interese estadu.
“Ha’u ho Prezidente Repúblika iha deferénsia interpretasaun, biar iha deferénsia, maibé tanba interese Estadu nian, interese para prosesu sira ne’e bele la’o, ha’u tuir de’it interpretasaun Prezidente Repúblika nian, signifika 15 dias, depois validasaun hosi Tribunál prazu maximum ida ne’e, tenke realiza ona primeiru reuniaun. Entaun, biar ha’u la konkorda ho Prezidente Repúblika nian interpretasaun, ba interese Estadu nian ha’u konkorda para realiza iha dentru prazu legál ida ne’e,” Dehan Prezidente Parlamentu Nasional, Aniceto Guterres, Bainhira remata enkontru ho prezidente Republika Iha Palásiu Prezidensial Bairo-Pite, Tersa 6/06.
Maibe Prezidente Parlamentu Nasional sei ba konsulta lai ho Lider Bankadas Parlamentares, para atu fixa data ida iha dentru de prazu legál ida ne’e. Mas kona-ba interpretasaun atu loos ka sala ne’e, so Tribunal nian Interpretasaun mak loos.
“Interpretasaun ida ne’ebé lós ne’e so Tribunál, Prezidente Parlamentu mós la reklama katak interpretasaun Prezidente Parlamentu nian mak lós, hanesan ohin ha’u dehan ba interese estado interese país nian, biar ha’u nia interpretasaun diferente maibé ha’u tuir de’it Prezidente nia interpretasaun”, nia esplika liu tan.
