Reportajen David da Costa
Portavos professores Kontratadu husi Munisipiu Ermera, Natalino Dos Santos, hateten, Professores Kontratadu 2023 ne’ebé maka asina kontratu iha loron 17 fulan Abril 2023, ne’e hetan ona Pagamento husi Ministeriu Edukasaun. Tanba ne’e Hanesan Professor Kontratadu 2023, Husi Eskola EBC Fatubessi EBF Asulau Hautete, hato’o apresiasaun no agradese ba Ministra Edukasaun no Sekretario Estado, ho laran luak servisu hodi valoriza ona nia dever no responsabilidade tomak ba manorin nain Kontratadu 2023 nia Sakrifisu durnte iha tempu naruk nia laran ne’e.
“Enome ha’u nia Kolegas Professores kontartadu sira husi Munispiu Ermera la haluhan dala Ida tan, hato’o agradese wain ba, Ministra Edukasaun no Sekretario Estado, ne’ebé bele toma responsabilidade ona ba ami Manorin sira, no ami bele Selu netik ema nia deve Sira, Para deve nia nain Sira lable eziji tan ona ami,” dehan professores Kontratadu 2023, Natalino Dos Santos, ba Neon Metin, liuhusi via WhatsApp, kinta 29/09.
Nia haktuir, maibé professores kontartadu 2023 ne’e sei triste tan, tanba Ministra Edukasaun ho Sekretario Estado sei hapra fali professores Kontratadu 2023 nian iha fulan Dezembru no halo fali teste ba professores sira tuir meritu, tanba husu ba Ministra Edukasaun no Sekretario Estado atu halo klarifikasaun ba professores Kontratadu sira para bele hatene.
“Tanba ami professores hamutuk 1449 Kontratadu iha 2023, Iha deklarasaun katak, ami suptitui deit ba professores ne’ebé 2111, maibé seiduk to’o hapara tan, ida ne’e bele aumenta tan problema Edukasaun iha Timor-Leste. Tuir loloos fó teste meritus ba professores reklamante para hodi Kompleta deit ba professores sira,”nia dehan.
Nia esplika, professores sira maka sai hanesan Ama ho Inan ba eskola hotu iha Timor laran tomak hodi hanorin estudane sira tomak. Tanba hanesan Matenek nain Spirit, Hateten Katak “Gelo Gelatos Sum prodominio deo Ezersitum” Katak nain nia toos bo’ot tebes, maibé nain nia toos nain uituan deit, ne’e mak kanorin sira iha eskola barak tebes, maibé manorin sira uituan deit.
Tanba ne’e husu ba Ministra Edukasaun ho Sekretario Estado, bele hatun ekipa hodi Peskiza ba eskola sira hodi Bele foti dadus professor sira ne’ebé Iha eskola, tanba realidade, iha eskola EBC Fatubessi, EBF Asulau Hautete, Manorin, Permanente nain 1, no kontratadu 2.
“Maibé asina Kontratu 1 mak ha’u mesak, nk 4 maka voluntariu, no voluntariu sira hanorin, mas depende sira nia oras maka mai tama, tanba sira laiha direitu, satan husi eskola ida deit mak hanesan ne’e, no haree eskola Iha Timor laran ne’e Problma bo’ot tebes,”Tenik nia.
Nune’e mós nia husu ba Ministra Edukasaun no Sekretario Estado, hadi’a estatutu professores kontartadu nian, atu professores iha forsa iha area hanorin. “Tanba durante la menan osan ami fuan boot ba hanorin, satan selu ona ami ne’e iha fuan boot liu tan, Maske la’o do’ok to’o Kilometru 3 resin, maibé la rende ba dezafios ne’ebé iha, mas nafatin iha vontade hodi hanorin, tanba ne’e husu ba Ministra Edukasaun ho Sekretario Estado hadi’a ami nia estatutu para ami Hanorin, to’o ami husik mundu Peregriñu ida ne’e”.
