Home Notisia Fallansu Polítika Halo Sistema Saúde Paralizadu, RENETIL Husu Governu Foti Medida Imediata

Fallansu Polítika Halo Sistema Saúde Paralizadu, RENETIL Husu Governu Foti Medida Imediata

973
0
Relasiona ho Problema Saude Iha Timor-Leste, Organizasaun Resistência Nacional dos Estudantes de Timor-Leste (RENETIL), halo Konferénsia Imprensa hodi hato'o sira nia preokupasaun, (Foto-Joselina).

Reportajen Joselina dos Santos

Fallansu Politika Publika halo Sistema Saúde Paralizadu, nune’e Organizasaun Resistência Nacional dos Estudantes de Timor-Leste (RENETIL), husu IX Governu foti medida imediatu, hodi rekruta pesoál saúde ne’ebe kualifikadu hodi preenxe fatin sira ne’ebe sai mamuk tanba diskontinuasaun kontratu ba profissional saúde sira, hodi normaliza prosesu atendimentu saúde ba sidadaun sira.

Liuhosi konferensia imprensa, Sekretariu Jeral RENETIL Joaquim Fonseca “Russuo”, hateten,  desde ukun aán, problema ida iha Timor-Leste ne’ebe sempre bolu publiku nia atensaun maka problema iha sistema saúde, Ida ne’e laos deit tanba insidensia moras barak no kuaze familia hotu-hotu iha eksperiensia ruma ho servisu saúde lha Timor-Leste.

“Vizibilidade husi problema sira iha área saúde mos sai makás liu husi faktu katak tinan-tinan Timor-oan barak maka ba rai seluk hodi halo tratamentu saúde, tanbá fasilidade saúde iha Timor-Leste seidauk natón atu fó atendimentu ba moras balun ne’ebe kompleksu no komplikadu liu”, dehan, Sekretariu Jeral  Joaquim liuhosi Konferensia Imprensa iha Sede RENETIL Farol, Segunda 15/01.

Tanba ne’e, rekursus umanus iha medisina no área relevante sira aumenta tan, iha kualidade no kuantidade, iha duni melhoramentu iha sistema saúde, to’o intervensaun balun ne’ebe bai- bain halo iha rai seluk, ikus mai bele halo ona iha Timor-Leste, hnesan fase ran, operasaun sezariana no sirurjia seluk tan.

“Naturalmente ita hanoin katak grafiku ba melhoramentu ne’e atu kontinua sae. Maibe iha realidade too nível ida, mosu ona estagnasaun. Publiku kontinua lamenta kona-ba kualidade atendimentu iha fasilidade saúde sira iha Timor-Leste”,  nia esplika.

Nune’e mós RENETIL husu ba Provedór Direitus Humanos e Justiça, atu hala’o analisa didiak husi perspektiva direitu ekonomiku, sosial no kultural, ho doutrina realizasaun progressiva, atu identifika faktores ne’ebe kontribui ba degradasaun iha realizasaun direitu ba saúde, no servisu ho governu atu fo solusaun neébe adekuadu.

Print Friendly, PDF & Email

LEAVE A REPLY

Please enter your comment!
Please enter your name here