Reportajen Juvinal Cabral dos Santos
Professor Ensino Pre-Eskolar (EPE) Abo-Lir, Duarte Soares informa sira rona informasaun depois de Neon Metin hatun notísia konaba kondisaun eskola Abo-Lir iha loron hirak liubá, tenke para provizóriu, nune’e Ministeriu Edukasaun hato’o kedas informasaun ba manorin nain rua liuhusi Edukasaun munisípiu nian, atu labele taka eskola, no kontinua hanorin, tanba parte relevante sira sei fo solusaun.
Nune’e informasaun ne’ebe Neon Metin rekolla husi Professor EPE Abo-Lir, Duarte katak iha loron 26 Fevereiru, sira hahu hanorin fila ona hanesan babain no hetan kedas vizita husi Supresidente Espetor EPE no Diretor EBF Laisorolai.
Ba Neon Metin via telefone, Profesor Duarte hateten iha loron 26 Fevereiru 2024 ami halo enkontru ho Diretor, Supresidente, Espetor EPE no Diretor Ensino Baziku Laisorolai, Coordenadora Ensino Baziku Filial (EBF) Abo-Lir no Aman Veteranos Maquino iha EBF Abo-Lir, aprezenta kestaun diploma secundario ne’ebe harii eskola iha hela,
“Dever aprende iha aprendizajen, dever dezenvolve ita nia rai, dever mos eduka ita nia gerasaun, tanba ami EPE Abo-Lir ni moto dehan: “SE FALI LAOS ITA”dehan Professor EPE Abo-Lir, Duarte liu husi telefone ba jornalista Neon Metin 27/02/2024.
“Hau responde tanba Governo hapara ona ami nia kontratu, depois vaga ne’ebe kria ami la tama rekizitu tanba diploma sekundáriu, entau ami para, ami laiha intensaun eskola taka ne mak ha’u haruka dadus hanorin sira ba edukasaun, para Diretór sira, Ministra haruka professors mai ami nia eskola” dehan Duarte
Relasiona ho preokupasaun Professor nain rua mak Diretór Supresidente Espetor EPE no Diretór EBF Laisorolai fo de’it moral no korajen kontinua hanorin depois mak buka dalan.
Duarte hatutan depois enkontru, lori Diretór sira hala’o vizita atu hare konstrusaun PE Abo-Lir no eskola foun sala tolu EBF Abo-Lir nian hafoin sira fila.
