Reportajen David da Costa
Prezidente Autoridade Reijaun Administrativu Espesial Okeusse Ambeno (PA RAEOA), Rogerio Lobato, konsidera kuitansia sosa Aviaun Zona Espesial Ekonomia Sosial Merkadu (ZEESM) ne’e copy nian, laos kuitansi original, tanba ne’e Prezidente Autoridade RAEOA sei buka tuir kuitansi original. PA RAEOA anterior, Arsenio Bano hatete nota maki da ne’e ona. Dokumentu hotu rai iha arkivo RAEOA nian, hau iha soft copy hodi halo autodefesa.
PA RAEOA hato’o tan katak kona-ba kutansia ne’ebé maka viral iha media sosial ne’e, nota foto kopy nian. Autoridade RAEOA to’o agora seidauk hetan nota original ne’ebé maka sosa ba aviaun ZEESM ne’e, tanba ne’e Autoridade RAEOA sei buka tuir ida ne’e.
“Aviaun ZEESM ne’e ami sei buka atu hetan kuitansi ne’e, tanba kuitansi ne’e seidauk hetan. Kutansia sira nian ne’e kuitansi foto kopy. Kutansia ita atu iha tenke ser kuitansia original, foto kopy ne’e la serve. Ida original ami hanesan REAOA nain ba Aviaun ida ne’e, ami seidauk hetan,” PA RAEOA informa, ohin iha Palásiu Prezidente Bairo-Pite, Kinta 11/04.
PA RAEOA ne’e mos hateten, hapara Aviaun ZEESM tanba ne’e hanesan labarik kiikoan ida ho 10 anos ohin nia haree katak buat ne’e laloos. Ba loke aviaun ne’e dehan aviaun ne’e Timor nian, no gasta osan $7,700,000 mill, maibé to’o iha Timor uza fali operadór husi Canada atu semo aviaun ne’e.
“Entaun atu opera aviaun ne’e, fulan-fulan ita tenke selu ba operadór aviaun husi Canada ne’e $150,00 mill. Reseita ita la tama, reseita ne’e masimu iha tinan 10 ne’e ita hetan reseita maka $4,000 Miloens. Despesa ne’e boot liu reseita $26,000 mill. Ita sosa Aviaun ho $7,700,000 mill, ita sei fulan-fualn selu $150,00 mill para atu halo aviaun ne’e semo, ne’e buat ida lakabe iha ema nia ulun. Ne’e duni ami haruka para aviaun ne’e,” hatutan Rogerio Lobato.
Neon Metin konfirma deklarasaun PA RAEOA nian ho Arsenio Bano nudar PA anterior ba RAEOA nian via Whatsapp, no nia esplika katak Rogerio Lobago bele ba buka nota ne’ebe viral ne’e, no nia dehan mos katak nota ne’e mak ida viral ona ne’e.
“Nia bele hatete lafiar, bele buka maibe nota mak ida ona. Hau laiha nota seluk”, PA RAEOA anterior hatete.
Arsenio mos dehan hodi kestiona, “oinsa mak aviaun ida bele semo dok husi Canada mai to’o Timor sein dokumentasaun kompletu?”.
Tuir saida mak eis PA ne’e esplika iha nia opiniaun mak publika iha blog apb23.online (11/04) katak, “kontratu hotu sempre iha Technical Acceptance Letter hodi komprova katak Inspeksaun hotu kompleta molok sosa propriedade ida tuir regras aprovisionamentu, bazea ba TOR; Iha Delivery Receipt ou Resivu Deliberado no taka ho Scope of Inspection kompletu husi parte ne’ebé simu; no iha Warranty Bill of Sale hodi prova katak aviaun to mai kompleta tuir nia airframe , engines, parts, documentus aviaun no mos ancillary item, sira hanesan instrument attire ba aviaun nia lolon.”
Dokumentu sira ne’e hotu tuir eis PA RAEOA ne’e, bainhira nia sai hosi nia pozisaun nudar PA nia rai hotu iha arkivo, nia lalori dokumentus nein ida. Nia rai deit dokumentu softcopy sira hodi antisipa karik administrasaun foun presija.
Iha softcopia deit ba hau atu hatan akuzasaun falsa hanesan nia halo dadauk. Arquivo dokumentus RAEOA tomak iha fatin arquivo iha RAEOA. Nia lahatene husu ba sira balun sei servisu iha neba. Hasai ema teknik husi nivel kiik too bot agora atu husu ba se. Nia urusan.
“Bainhira hau sai hau la lori dokumentu nein ida. Nia (Red. PA RAEOA Rogerio Lobato) lahusu buat ida ba hau.
Arsenio Bano hatete katak tanba PA RAEOA halo akuzasaun hasoru nia entaun nia halo autodefesa, esplika mos katak Rogerio Lobato hasai ema teknik sira nebe iha kuinesimentu ho servisu hirak nee entaun susar ba nia atu halo serbisu.
Rogerio Lobalo mos hato’o katak antes ne’e nia rasik maka aprezenta fali proposta hapara Aviaun ZEESM ne’e ba iha Primeiru Ministru (PM) Kay Rala Xanana Gusmão, no PM haree katak halo balansu despesa ho reseita, la benefisu ba RAEOA, entaun lori fali kazu ne’e ba iha Konsellu Ministru (KM), no KM maka halo dezisaun kona-ba hapara aviaun ne’e.
KM halo tiha ona rezolusaun ida, aviaun ne’e la semo, maibé aumesmu tempu ohin hamutuk ho Ministeru Transporte Telekomunikasaun, ba to’o iha fatin aviaun ZEESM RAEOA nia para fatin iha Airoportu Dili, ne’e hodi haree, no hateten katak aviaun ne’e para ona, maibé tenke asegura konektividade Dili ho Oekusse ne’e la’o nafatin. Entaun kolabora ho Kompaña Aero Dili atu bele semo fali ba Dili ho Oekusse semana ida dala rua. Vou ne’e sei semo segunda husi Dili ba Oekusse, depois bele semo liu ba iha Bali Indonesia. Ida fali bele ba iha sexta, depois fila kedas mai fali Dili.
