Reportajen Filomena da Conceição
Sekretaria de Estadu Igualdade no Inkluzaun (SEI), distribui motorizadas ba pontu fokal sira iha munisípiu 13 no postu administrativu, atu bele apoiu servisu pontu fokal, hodi halo kapasitasaun no empoderamento ba feto iha vida polítika no ekonomia, no atu halo advokasia ba asuntu Igualdade Jéneru no Inkluzaun.
Sekretaria Estadu Igualdade, no Inkluzaun, Elvina Souza hateten, objetivu husi distribuisaun motorizadas ba pontu fokal sira ne’e, atu fasilita pontu fokal sira hodi bele hala’o servisu prinsipal ba promosaun Igualidade inkluzaun no servisu akompanamentu ba grupu benefisiariu sira.
“Ohin Sekretaria Estadu Igualdade halo distribuição ba motorizadas pontu fokal sira iha postu administrativo sira, ida ne’e mak fasilidade ne’ebé mak uza atu apoiu servisu fokal point sira iha Munisípiu no sevisu prinsipal sira hanesan promosaun Igualidade inkluzaun no servisu akompanamentu ba grupu benefisiariu sira ne’ebé simu fundu husi tranferensia publiku”, dehan Elvina ba jornalista Sira iha Edifisiu SEI, Kaikoki tersa 04/6.
Governante refere esplika mos katak, Kapasitasaun ba feto maluk sira ba grupo feto sira nudar servisu prinsipalmente iha diresaun SEI no SEI sei nafatin halo kapasitasaun empodermentu ba feto sira , tantu iha politika no ekonomia ne’ebé, sai hanesan servisu prinsipal ba SEI
“Hau hanoin hare’e ba importansia husi fokal point sira iha Munisípiu ou postu sira mak distribui mos motorizadas sira atu bele fasilita sira-nia Servisu no mos iha regras rasik husi motorizadas sira husi SEI nian.”, Dehan Elvina
Nia akresenta, violensia bazeia ba jeneru, violensia Domestika ne’e, iha planu asaun Nasional bazeia violensia jeneru Agora implemeta hela numeru violensia ne’ebé mak aas bazeia ba jeneru ne’ebé sai preokupsaun ba publiku no ema hotu nian
“SEI sei nafatin sevisu atu bele hasae konsikuensia no bele fó hanoin ba feto maluk sira, ka maluk sira ne’ebé hetan violensia atu bele brani hato’o keixa tanba ita iha ona lei hodi bele proteje tanba dalaruma iha feto maluk balun seidauk iha korajem atu partisipa iha Ministério público kona-ba violansaun ne’ebé hasoru sira”, Nia Esplika
Iha fatin hanesan pontu Fokal SEI, iha Postu Administrativo Natar Bora, Florianje Magalhães sente orgulho tebes tanba husi motoriza ne’ebé Nia simu bele fasilta Nia servisu iha baze no hodi hakmaan nia servisu.
“Hau sente orgulho tebes, simu motorizada ne’e, tanba bele fasilita ami nia servisu iha baze, no Ami iha baze ami sei halo motorizasaun grupu benefisiariu husi SEI rasik liu fundus tranferensia ida mos ami haree kona-ba kazu violensia ba jeneru sira ne’ebé mak akontese” , dehan Florianje
Nia haktuir, durante halo sosializasaun iha baze problema ne’ebéNia hasoru mak menus konesementu husi komunidade sira baze, relasiona ho violenesia bazeia ba jeneru ne’e rasik no sosializasaun lider komunitaria sira ne’ebé mak iha menus konesementu knar lideransa ne’e rasik.
“Maske hasoru difikuldade maibé ami iha neeba nafatin halo advokasia ba iha Parte relevante sira no mos ami nafatin halo sosializasaun ba iha Komunidade sira kona-ba Violensia Domestika”, Nia Esplika
Entretanto, total husi Motorizadas hirak ne’ebé distribui husi Sekretaria de Estadu da igualdade no Inkluzaun (SEI), ba pontu Fokal iha Munispiu 13 hamutuk 36 motorizada ba Pontu Fokal sira kompostu husi feto 15 no Mane 21
