Home Notisia FOKUPERS Nafatin Tau Importánsia Ba Advokasia no Asisténsia Legal

FOKUPERS Nafatin Tau Importánsia Ba Advokasia no Asisténsia Legal

1755
0
Diretora Ezekutivu FOKURPERS, Domingas Alfonsu Amaral. [Foto: Santy | 5.06.2024]

Reportajen Silvino Freitas

Forum Komunikasaun ba Feto Timor Leste (FOKUPERS) hala’o serimonia hand-over ba diretora ezekutivu ne’ebé lidera organizasaun FOKUPERS ba mandatu tinan 3 nian, Domingas Alfonsu Amaral mak troka Maria Fatima Guterres hodi kontinua lidera organizaun hanesan diretora, durante mandatu diretora sesante konsege halo adovokasia ba legalidade vitíma sira ne’ebé mai ho kazu violénsia bazeia ba jenéru nune’e diretora foun ho kompremitidu atu tane as nafatin misaun FOKUPERS nian oinsa atu bele nafatin halo advokasia no tau matan ba feto no labarik feto atu labele iha diskriminasaun husi sosiedade no ukun-nain nasaun nian tau nafatin konsiderasaun ba direitu feto no labarik feto sira.

Diretora sesante Maria Fatima dehan, durante nia mandatu lidera organizasaun FOKUPERS konsege rezolve problema Topohonis nune’e durante mandatu tinan 3 konsege hakat liu problema sobrevivente ba violénsia bazeia ba jenéru ne’ebé nia kontribui ideia di’ak hodi bele kria nafatin estratejia no planu hodi bele kria kooperasaun ho parseiru save liuliu governu atu bele haree problema vitíma sira nian, susesu ne’ebé boot liu maka konsege lori FOKUPERS tama iha Rede ASIA nian ba uma-mahon nian ne’ebé lidera husi organizasaun ida husi TAIPEI nomós kooperasaun servisu balun ne’ebé importante ho ministeriu save sira nian.

“ho ministeriu edukasaun tanba ami konsege publika relatório ida mekanizmu referál violénsia bazeia ba jenéru nomós prosesu politika fila hikas ba eskola nian, ho mós ministerium solidaridade sosial tanba asuntu uma-mahon nian iha lei kontra violénsia domestika preve no lidera husi MSSI hodi haree ba posibilidade no koperasaun ho mós haree ba kestaun saude vitíma sira nian hodi vitíma sira bele asesu ka halo tratamentu ba saude” dehan Diretora sesante Maria Fatima, hafoin serimonia hand-over iha salaun FOKUPERS Farol, (14/06).

Nia dehan tan, durante mandatu mós konsege kria estratejia ho ministeriu justisa atu bele fo sertidaun moris ba vitíma sira nia oan ne’ebé moris iha uma-mahon, nune’e vitíma sira ne’ebé mai kazu violénsia seksuál abandona oinsa sira bele tau nia oan nia aman ho oinsa, nune’e husi estratejia ne’ebé nia halo mak konsege konvense parte justisa nian hodi haree kona ba problema refere, vitíma sira konsege hetan kritéria ne’ebé espesiál hodi halo tratamentu ba sira nia sertidaun, nune’e iha labarik 39 mak simu ona sertidaun moris inklui mós inan sira hodi sira bele halo tratamentu ba sira nia dokumentus hodi uza ba legalidade hanesan sidadaun RDTL.

Fatin hanesan Diretora foun FOKUPERS Domingas Amaral dehan, husi konfiansa ne’ebé fundador FOKUPERS sira atribui ba nia nune’e nia kompremitidu atu lori FOKUPERS ba oin liuliu atu nafatin asisténsia ne’ebé integradu ba feto no labarik feto ne’ebé vitíma ba violénsia bazeia ba jenéru, nune’e mós husi hand-over nee diretora sesante mós entrega dokumentu balun ne’ebé nia sei uza hanesan baze legál hodi bele hala’o ninia servisu durante mandatu ne’ebé atribui ba nia, nune’e mós nia sei hala’o servisu ho FOKUPERS atu bele halo intervensaun liuhusi asisténsia integradu ba feto no labarik feto sira maka fuan husi misaun FOKUPERS nian.

“ami la’os de’it atu fo asistensia akompanamentu halo empoderamentu ba feto sobrevivente maibe ami kontinua ho advokasia tanba sira maka ami ninia alvu, bainhira advokasia la la’o no intervensaun husi ema parte interesante sira laiha maka FOKUPERS sei la la’o ba oin, nune’e husi advokasia ne’ebé sei halo mak sei dere ukun-nain sira hodi bele aprosima sira nia alokasaun orsamentu ne’ebé sensivel ba feto no labarik feto nia nesesidade” dehan Diretora foun FOKUPERS Domingas Amaral hafoin serimonia hand-over.

Domingas konklui katak, servisu importante husi misaun FOKUPERS nian ne’ebé presiza reforsa liu tan maka tenke fo prestasaun servisu ne’ebé kualidade liu ba feto no labarik feto sira ne’ebé sai vitíma violénsia bazeia ba jenéru la’os de’it atu asiste sira ka atu akomoda sira iha uma mahon maibe kontinua empodera sira bainhira vitíma sira fila ba sira nia hela fatin, FOKUPERS nafatin halo avokasia husu ba politika sira ne’ebé ukun nasaun atu bele asegura komitmentu jenéru ne’ebé estadu RDTL adopta, estadu iha komprimisiu 4 liga ho deklarasaun maubisse, PAN 1325, planu asaun violénsia bazeia ba jenéru, nune’e estadu iha dever tomak atu bele implementa planu asaun ba komprimisu ne’ebé sira adota ona

Print Friendly, PDF & Email

LEAVE A REPLY

Please enter your comment!
Please enter your name here