Home Notisia PDHJ Husu Governo Kontinua Hakonu Direitu Ema ho Difisiensia Nian

PDHJ Husu Governo Kontinua Hakonu Direitu Ema ho Difisiensia Nian

1065
0
Adjunta Provedor PDHJ, Marilia X.C de O. da Costa (Foto-David)

Reportajen David da Costa

Iha Selebrasaun Dahuluk Loron Nasional Ema ho Difisiensia nian PDHJ boluentidades hotu “Mai ita hamutuk respeita, proteje no hakonu direitus umanus ema ho defisiensia iha Timor-Leste”. Lian bolu ne’e hato’o hosi Provedoria Adjunta Direitu Humanu e Justisa, Maria Marilia X.C. De O. da Costa, horiseik, 4 Julho, iha Palasiu Presidente.

Provedoria Adjunta Direitu Humanu e Justisa, Maria Marilia X.C. De O. da Costa, esplika garantia sira mak Konstituisaun RDTL fo ba ema ho difisiensia sira. Konstituisaun RDTL iha Artigu 16, garante sidadaun hotu-hotu hanesan iha lei nia oin, no mós iha direitu no obrigasaun hanesan no proibidu halo diskriminasaun ba ema ida tanba nia kulit, nia rasa, nia estadu sivíl, nia seksu, orijen étniku, nia lian, pozisaun sosiál no ekonómiku, hanoin polítiku ka ideolojia, relijiaun, instrusaun no nia kondisaun fízika ka mental. Adisionalmente iha KRDTL.

Provedoria Adjunta ne’e mos haktuir katak iha Artigu 21 alina 1 ho 2 mos hateten katak sidadaun ne’ebé iha defisiénsia fíziku ka mentál iha direitu no mós obrigasaun hanesan sidadaun sira seluk, maibé sira sei la hala’o knaar hirak ne’ebé sira labele hala’o tanba de’it sira-nia defisiénsia. No Estadu, wainhira bele, promove protesaun ba sidadaun sira-ne’ebé iha defisiénsia, tuir lei haruka.

Maski Timor-Leste mos ratifika ona  Konvensaun Internasional ba Direitu Ema ho Defisiénsia nian no halo tiha ona progresu balun área sira seluk seidauk iha inkluzaun ba defisiénsia  sira ezemplu, iha edukasaun, saude, inklui direitu partisipa iha servisu públiku sira no seluk tan.  

“Husi tinan 2019-2023, PDHJ rejista Keixa 6 husi maluk sira ho defisiensia, kazu rua konklui ona investigasaun ho rekomendasaun no sujestaun, kazu ida halo hela monitorizasaun no keixa ida iha hela prosesu”, Provedor Adjunta ne’e hato’o iha nia intervensaun.

Nune’e mós PDHJ sei sensibiliza direitus umanus inklui direitu ema ho difisiensia ba membru PNTL, F-FDTL, lideransa komunitáriu, komunidade, estudantes, joventude sira iha Teritorial Timor Leste. 

PDHJ halo monitorizasaun ba ema ho difisiensia balun ne’ebe seidauk  asesu ba subsidiu husi governu no rezultadu husi monitorizasaun PDHJ fó rekomedasaun ba Instituisaun Nasional Segunransa Sosial (INSS), ho objetivu atu asegura ema ho difisiensia bele  goza sira nia direitu ba subsidiu. No agora dadaun ema ho difisiensia refere simu duni ona subsidiu husi governu.  Monitosizaun neé halaó iha Munisipiu Covalima no Atauro iha tinan 2023.  

Tinan ida ne’e PDHJ sei monitorizasaun  ba implementasaun planu asaun nasional  kona-bá inkluzaun, promosaun ba direitu ema ho difisiensia ne’ebe sei implementa husi Ministériu Xave sira, hodi hare katak Ministériu xave sira implementa tuir duni PAN ba ema difisiensia ga lae?  husi rezultadu monitorizasaun PDHJ fo sai ba publiku  no rekomenda ba Ministériu Xave sira hodi kumpri dever hodi implementa programa inkluzaun ho boa vontade husi kada Instituisaun hanesan defini iha ida-idak planu asaun annual (PAA), ezemplu hanesan ba Minsiteriu Obras publikus tenke kria kualker infraestruktura asesivel ba tipu ema ho difisiensia hotu, kria rampa no estrada públiku asesivel no sel-seluk tan.

Provedor Adjunta mos fo apresiasaun ba esforsu sira mak governo halo ona no husu kontinua halo dever sira mak haktuir iha tratadu internacional nian no mos tuir lei sira haruka.

“Hakarak fo apresiasaun ba esforsu no etapa balun ne’ebe Governu Timor-Leste foti, liu husi MSSI ne’ebe responsabiliza hodi aloka orsamentu, implementa no koordena esforsu ba direitu no asistensia ba ema ho difisiensia. Alende ne’e Politika Nasional Inkluzaun no Promosaun ba Direitu Ema ho Difisiensia ho intensaun atu promove oportunidade hanesan no partisipasaun ema ho difisiensia iha sosiedade em jeral no mos atu identifika area ka setór ne’ebe Governu bele no tenke fo asistensia liu tan ba ema ho difisienisa”, Marilia haktuir.

Intervensaun PDHJ nian ne’e mos fo apresiasaun ba esforsu Ministeriu Obras Publika ne’ebe hatudu ona etapa importante balun atraves de aprovasaun dezpaixu relativu ho asesibilidade ba sidadaun ho kondisaun defisiénsia liu husi kria no implementa planu ba reabilitasaun edifísiu importante sira Governu nian ne’ebé iha asesu universál. Ho nune’e Governu hatudu ninia dever legal atu respeita, proteje no hakonu sidadaun sira nia direitus umanus inklui Direitu EhD sira-nian.

Print Friendly, PDF & Email

LEAVE A REPLY

Please enter your comment!
Please enter your name here