Reportajen Silvino Freitas
Embaixada Japaun iha Timor-Leste hamutuk ho Programa Nasoens Unidas ba Dezenvolvimentu (UNDP) realiza workshop kona-ba inivasaun no diversifikasaun ekonomia, hodi aprezenta mos vensedor nain 4 sira ba idea negosiu ne’ebe selesionadu husi Dezafiu Inovasaun Azul ASEAN.
Tuir embaixador Jepang iha Timor-Leste Tetsuya Kimura dehan, workshop ideia negosiu husi vendedor nain 4 ne’ebe selesionadu husi dezafiu inovasaun azul ASEAN, nunee programa nee organiza husi UNDP no hetan apoiu finansa husi governu Jepang aplikasaun ba vensedor nee hamutuk 1,350 ne’ebe hatama husi ASEAN tomak no proposta 60 mak hili hanesan vensedor no nain 4 mak husi Timor-Leste, entre manan nain husi Timor-Leste aborda negosiu dezafiu sira husi alterasaun klimatika no ida foka ba turizmu sustentavel.
“Proposta hirak ne’e reflete kreatividade no komprimisiu makaas husi emprejariu foin sae sira iha Timor-Leste atu harii ekonomia azul ne’ebe rejilente no sustentavel” dehan embaixador Tetsuya Kimura iha embaixada Jepang Dili, (13/06).
Nia dehan tan, kleur ona Jepang apoiu Timor-Leste nia dezenvolvimentu iha projetu oioin nomos fo asitensia ne’ebe makaas ba setor maritimu nian no iha fulan tuir mai peritu sira husi Jepang sei mai Timor-Leste hodi fo apoiu ba setor peska hasae teknika peska no hametin kadeia valor sira, no iha dezafiu inovasaun azul ASEAN nian Jepang ho UNDP lansa tiha ona projetu perfil karbonu azul no finansa ASEAN husi inisiativa foun ne’e maka ho objetivu ida atu esplora liu tan oportunidade sira iha karbonu azul no finansia sustentavel iha ASEAN no Timor-Leste.
“Ami fiar katak esforsu sira hanesan ne’e kombina inovasaun emprendedorizmu no kolaborasaun rejional importante liuliu agora ho adezaun ofisial Timor-Leste nian ba ASEAN iha fulan outubru inisiativa hanesan ne’e sei halao papel fundamental ida hodi apoia rezilensia no prosperiedade ba tempu naruk” dehan embaixador Tetsuya Kimura.
Enkuantu manan nain ba ideia negosiu Fundasaun NIETIL Marcos Ramos dehan, atividade sira halo hodi elejivel mak restora no konserva ai parapa iha area tasi ibun suku Ulmera nian neebe ho planu katak, aleinde halo protesaun ba komunidade area kosteira nian bele hetan impaktu husi tasi no dezastre natural nomos ba longu prazu bele liga mos ba merkadu karbonu tanba nasaun boot ho industria barak nee rejulta ona estragus ba poluisaun ba halo foer no estragus ambiente maibe atividade kuda aihoris bele hamoos fali poluisaun ne’ebe hafoer.
“Mezmu Timor-Leste nia kontribusaun ne’e kiik maibe ba longu prazu nasaun hahu ona halo dezenvolvimentu tempu ida ita iha industria agora kedas ita presiza tempu ruma Timor-Leste iha industria ka ambiente bele foer estragus entaun ita presiza proteje” dehan jestor NIETIL Marcos Ramos iha embaixada Japaun Dili,(13/06).
Nia konsidera dadaun nee Timor-Leste hahu ona kontrui liu husi ro ne’ebe tama sai aviaun no movimentu kareta ho motor sira nia poluisaun hahu ona kontribui ba hafoer ambiente, nunee mos sira nia ejistensia atu hatan ba merkadu karbonu tanba dadaun ne’e nasaun balun presiza karbonu hodi hadia sira nia rain.
