Reportajen Silvino Freitas
Knua maubisse-mauloko uza sira nia ritual tradisonal 3 maka noumduga, lousa no ahiulun hodi proteje natureza hanesan bolu udan no hapara udan no proteje sira nia bee matan sira, no serimonia nee halibur hotu jerasaun sira husi hotu uma lisan no kada tinan sira halo dala 3.
Lia-nain Joaquim Mendonça haktuir, situasaun hasoru bailoron naruk sira sei husu ba uma lisan udan neebe mai tarde sira sei lori bibi, asu, fahi no manu hodi bolu malu hamutuk hamulak ba uma lisan no liu semana ida udan sei mai hodi sir abele kuda fali batar karik udan mai kleur ho anin sira mos sei bolu hamutuk hodi oho naan bibi, asu, fahi, manu hodi hapara udan hodi labele estraga sasan iha toos laran hanesan fehuk, batar, koto, lakeru.
“udan nee diak sasan sira diak udan barak sasan sira nee sei dodok batar fore lakeru dodok hotu ami hapara sira isin diak hotu” dehan Joaquim lia-nain husi uma lisan tauid maubisse-mauloko, (12/07).
Nia dehan tan, konaba proteje bee matan nee bainhira sira remata tiha serimonia boot iha uma lisan sira sei bah an hamutuk iha uma-lisan tauid iha dadersaan sira hotu sei kesi adat ho babadook lori tan manu asu ba bee matan hodi ba bee matan aihun lulik ida naran hermatu, belabe-mahuei sidot-mandot no sira hotu sei bidu loron ida too loraik tuku 5 mak sira foin sai husi bee matan ba hamutuk iha uma lisan han hotu batar tuku naan hemu tua hotu mak foin fahe bua malus idakidak ba nia fatin ho matak malirin ba sei too fali tinan bailoron mak foin hasoru malu.
“serimonia sira nee ami halo kada tinan ida halo dala 3 ida naran noumduga, lousa no ahiulun nee kultura maubise mauloko nian nee mak temi iha fulan abril ita sei halai hamutuk ba bee matan aihun fatuk ho ai” dehan Joaquim.
Nia dehan tan, serimonia nee sei halibur ema hotu husi uma lisan maubisse mauloko nian no hirak neebe rona sei lori hotu sasan mai, uma lisan husi maubisse mauloko nee sira naran tauid, liurai-hatilu, felfou-usmeta no serimonia sira nee halao iha knua maubisse mauloko no halibur hotu jerasaun sira husi maubisse maloko nian, nunee lia nain husu ba governu atu ajuda hadia sira nia uma lisan hodi sir abele halao nafatin sira nia ritual nee ba oin.
