Reportajen Francisco JDA
Komandu Polísia Nasional Timor-Leste (PNTL), Munisípiu Likisá hala’o ona intervensaun ba akontontesimentu ne’ebé rezulta joven mane ida mate iha fatin Palila Munisípiu Likisá, Postu administrativu Bazartete, Suku Lauhata iha oras 03:00, nune’e daudaun ne’e PNTL lori ona ba ospital Nasionál Guido Valadares hodi halo identifikasaun no hein prosesu tuir mai
Via telefone Komandante PNTL Municipiu Likisá, Suprentendente Umbelina dos Santos Soares informa ba Neon Metin katak, kazu ne’e akontese bainhira joven mane ne’e hala’o movimentu ba tasi, no la hatene nia kronolojia loloos maibé deskonfia joven mane ne’e estudante estájiu iha Munisípiu Likisá
“Prosesu ami hala’o hotu ona, atuasaun polísia ohin entrega ona ba iha Guido Valadares hodi hein ami fo sai iha media, para bele halo prosesu identifikasaun, ” hatete Superintendente Umbelina dos Santos Soares via Telefone, 25/10
Superintendente Umbelina sublina tan, to’o agora polísia Munisípiu Likisá seidauk hatene, maibé deskonfia katak nia estudante ne’e hala’o estájiu iha Likisá, nune’e kontinua hein prosesu investigasaun tuir mai.
