Reportajen David da Costa Gusmao
Xefe Estadu Maior Jenerál Falentil no Forsa Defesa Timor-Leste (FFDTL), Tanente Jenerál, Lere Anan Timur dehan, tinan-tinan governu halo nia planu hodi komemora 28 Novembru iha Munisipiu sira hanesan uluk halo ona iha Aileu, Bobonaru, Covalima, Lautem, Liquica, Oekusse, Viqueque no agora iha Munisipiu Baucau.
“28 Novembru 2021 ita komemora loron proklamasaun da independénsia ba dala-46 iha Baucau, ho ida ne’e husu ba Polisia Nasionál Timor-Leste (PNTL) tenke toma medidas forte, hanesan mos autoridade munisípiu tenke toma medida ba ema kriminozu sira, ema indispilinadu sira no ema ne’ebe hakarak kria instabilidade iha momentu ne’e,” Dehan Lere Anan Timor ba Jornalista sira bainhira halo Checkup iha Polisia Militár Kintál Boot, Tersa 23/11.
Nia dehan fiar katak Baucau ne’e muda an no sei manan konsensia tanba sira ne’e baze rezistensia armada ninia, “no baze ba ita nia liberdade ita nia indepedensia, hau hanoin katak sira sei manan konsensia,”.
