Reportajen Umbelina dos Reis
Asosiasaun Jornalista Timor Lorosa’e (AJTL) realiza programa diskusaun nakloke hamutuk ho Oxfam , HASATIL no Koligasaun Agrikultura iha sentru media HASATIL ne’ebe foka liu ba debate públiku Orsamentu Jeral Estadu 2022, hodi rekomenda ba governu atu investe iha setór agrikultura no produtivu sira seluk
Iha abertura Presidente AJTL Zevonia Vieira hato’o, objetivu hosi diskusaun ne’e mak atu ko’alia konabá asuntu Orsamentu Jeral Estadu (OJE) 2022, ne’ebe agora lao dadauk hela iha uma fukun Parlamentu Nasional hamutuk ho Rede Koligasaun Agrikultura, hodi loke espasu síviku ba grupu agrikultura, joven produtivu, ema ho defisiénsia sira, jornalista no movimentu sira atu bele hetan informasaun barak no oinsá media bele fo sai lian sosiedade nian ba governu no Parlamentu Nasional
“AJTL ohin halo diskusaun nakloke ho topiku uzu rai, direitu sai nain ba rai no kazu eviksaun ba Arte Moris,” hatete Prezidente AJTL, Zevonia Vieira iha diskusaun nakoke iha Rede Hasatil, Farol, 04/12.
Iha edisaun ida ne’e oradór sira mak mai husi Rede ba Rai, Kadalak Sulimutu Institutu (KSI) no Arte Moris.
Diskusaun nakloke ne’e nu’udar atividade regular AJTL nian, hodi halo diskusaun ho ema matenek nain sira, joven no akademista sira konaba asuntu importante sira, hodi tulun jornalista sira bele komprende issue sira hodi hasae konnesementu membru AJTL sira.
