Reportajen Francisco JDA
Asesor Prinsipál Ministeriu Agrikultura no Peskas (MAP), Frumencio Araújo hatete katak, Orsamentu Jeral Estadu (OJE) ne’ebé tinan hira ba kotuk sempre iha 1% too 3% ne’e la’ós falla hosi Ministeriu Agrikultura maibé ne’e governu haree prioridade. Bainhira akompnha iha jornada orsamentu iha Ministeriu Financas ne’e, governu mak afina nia prioridade, ida too neen, entaun materia ba planu Ministeriu nian tenki iha alinamentu ho prioridade ne’ebé mak iha
Bainhira Neon Metin husu karik orsamentu geral ba 2022 tau hira ba iha seitor agrikultura? asesor prinsipál MAP ne’e dehan, ” iha jornada orsamental, primeiru Ministru deside 1.5 Bilioens, ne’e ba orsamentu jeral estadu 2022. Ba seitor agrikultura seidauk iha distribuisaun envelope fiscal, entaun ha’u seidauk bele fó komentáriu,” Asesor Prinsipál MAP Frumencio Araújo hato’o lia ne’e hafoin organizasaun sosiedade civil apresenta relatorio kona ba impkatu inundasaun 4 Abril 2021 ba seitor agrikultura, iha Salaun CNE, Kaikoli (02/07).
“Ministeriu hakarak ne’e tau persentajen ne’ebé boot, ne’e labele siik tanba tenki afina hosi jornada orsamental nebe Primeiru Ministru mak deside. Ha’u labele fo persentajen ba ita mais ha’u atu hatete 1% too 3% ne’e nao vale nada. Ita presija hasae liu tan, maibé mós ha’u labele hatete hasae para hatudu ambisaun boot. Tanba montante hosi aplikasaun orsamentu jeral estadu ne’e kabe ba primeiru Ministru nia kompetensia, bolu dehan distribuisaun envelope fiscal. Primeiru Ministru mak fahe dehan agrikultura, saúde, edukasaun hetan hanesan ne’e, tuir prioridade ne’ebé mak iha. Mais ita hakarak osan barak tanba apresenta ka ita nia planu ne’ebé mak lori moris di’ak ba agrikultor sira, ” hateten Asesor Frumencio Araújo.
Asesor Prinsipál MAP ne’e mos dehan, realidade ne’ebé governu hatudu prioridade distribuisaun envelope mak define merese hetan hira maibé hakarak hetan ne’e boot hotu, maibé ba Unidade Planeamentu Monitorizasaun no Avaliasaun (UPMA) no Comisaun Revisaun Orsamentu ( CRO) mak koa hotu kedas.
