Home Notisia Inagura Sede KHUNTO, Naimori Dehan Fulan Ida Tan Membru Governu Ba Ramelau.

Inagura Sede KHUNTO, Naimori Dehan Fulan Ida Tan Membru Governu Ba Ramelau.

2982
0
Partidu KHUNTO Inagura Sede Foun Partidu Nian (Foto: Frans JDA)

Reportajen Frnacisco JDA

Ohin Partidu Kmanek Haburas Unidade Timor Oan ( KHUNTO) inagura sede nasionál foun, no selebra mós  aniversariu Partidu KHUNTO ba dala 10 ho lema “tane ho emar, tane o rain, no tane o lisan”.

Hafoin Iha intervensaun hosi Konseleiro Maximo Partidu KHUNTO, Naimori Bukar haktuir katak, iha fulan ida tan, Partidu KHUNTO sei lori membru Governu sira ba iha Ramelau atu halo juramemtu hanesan hatete ona iha promesa tempu kampaña liuba.

“Iha loron 14 fulan Agostu  agora, sei halo istória foun ida ne’ebé mak KHUNTO halo promesa ona iha kampaña katak sei lori membru Governu sira atu ba iha Ramelau,” hatete Konseleiro Maximu Partidu KHUNTO, Naimori Bucar, iha Sede foun Partidu KHUNTO iha Manleu.

Konselheiro Maximu ne’e mos dehan, uluk KHUNTO kuandu mosu han aifarina no pop mie iha dalan maibé dadaun ne’e Presidente Partidu KHUNTO, Armada Berta, ohin deklara ona katak prontu atu kandidata an ba Presidente iha periodu 2022 – 2027, mais ida ne’e la’ós dehan katak manán maun sira, maibé koko KHUNTO nia forsa ne’e too iha ne’ebé.

Iha inagurasaun Partidu KHUNTO no Aniversariu ba dala 10 ne’e hetan partisipasaun hosi Xefi Governu Taur Matan Ruak, Presidente Parlamentu Nasionál Aniceto Guterres ,inklui mós deputadu no membru Governu sira.

Print Friendly, PDF & Email

LEAVE A REPLY

Please enter your comment!
Please enter your name here