Reportajen David da Costa Gusmao
Diretór Jerál Edukasaun e Ensinu husi Ministeru Edukasaun Juventude no Desportu (MEJD), Luis Manuel Da Costa Ferrnades informa istoria Timor-Leste nian ne’e importante tebes ba jerasaun foun sira, atu bele buka hatene no kuda istoria iha sira neon ho laran, atu metin hodi asegura ukun aan ne’e.
“Hau hakarak hato’o deit ba ita boot sira iha ne’e no alin estudante sira katak, istoria Timor ne’e importante tebe-tebes, imi jerasaun foun iha obrigasaun atu buka hatene i kuda istoria ne’e iha imi nia neon imi nia laran atu metin hodi asegura ukun aan ne’e ba oin hodi halo dezenvolvimentu ba iha nasaun ida ne’e,”dehan Diretór Jerál Edukasaun Ensinu Luis, iha edifisiu Sala Litura Xanana Gusmão (SLXG), Sexta 7/01.
Nia dehan atividade jornál parede ne’ebé organiza husi Centru Nasionál Chega (CNC) ho Sala Litura Xanana Gusmão (SLXG), hahú iha tinan uluk kedas maibe la remata, mas agora mak foin atu remata. Atividade ne’e estudante sira ne’e hetan oporutunidade hodi halo entervista ba ema sira ne’ebé uluk hetan troturasaun no hetan violensia iha okupasaun Indonesia. Depois sira lori mai hodi hakerek istoria ne’e.
“Ita haree atividade konaba jornál parede ne’e diak tebe-tebes, tanba involvimtu ho estudante sira husi eskola esnsinu sekunadria jerál no privadu sira iha Dili no mós iha munisipiu sira. Husi atividade ida ne’e bele pomove estudante, fó servisu ba sira, sira halo koileta informasaun liuliu sofrementu nakukun ne’ebé ita ultrapasa hahú iha tinan 1975 to’o mai iha 1999 hodi hatutan luta ba libertasaun ita nia nasaun ida ne’e, no ohin loron ita sai nasaun ida ne’ebé indepedente no ukun rasik an”, nia explika.
MEJD konsidera atividade ida ne’e importante tebes laos ba sira iha grupu ida ne’ebé mak tuir ona ne’e, maibe MEJD sei promove no abelar mos ba iha eskola sira seluk, atu nune’e estudante sira mós bele tuir no ba buka hatene konaba istória Timor ninian ne’ebé akontese iha pasadu.
