Reportajen Santina Lucia da Costa
Movimentu Defisiénsia deklara apoiu kandidatu Prezidente Repúblika Dr. Francisco Guterres Lú Olo, no rekomenda bainhira eleitu ba Prezidente Repúblika tinan 2022-2027, ratifika Konvensaun sira ba Ema ho Difisiensia (EhD) no infraestrutura asesivel no sensivel ba ema ho defisiénsia.
Reprezentante Defisiénsia, Frelino Hornai hateten husi Movimentu Defisiénsia vizaun foun, ne’ebé reprezenta defisiénsia hakarak fó apelu ba kandidatu Prezidente Repúblika, Dr. Francisco Guterres Lú Olo.
“Rekandidata-an, ami prontu fó apoiu, hanesan sosiedade sivíl ida ne’ebé mak fó apoiu no aprosimasaun ba ema ho Defisiénsia.” Deklara reprezentante Difisiensia, Frelino Hornai iha Ambitu Inagurasaun Kampaña iha sede Luz Clarita, 28/2.
Reprezentante Defisiénsia mós rekomenda ba Lú Olo atu bele ratifika konvensaun sira ba ho ema defisiénsia, no mós infraestrutura ne’ebé mak asesivel no sensivel ba ema ho defisiénsia ida ne’e mak sira hakarak.
Frelino dehan Ema ho Defisiénsia apresia Dr. Francisco Guterres Lú Olo ne’ebé mak durante ne’e kumpre konstituisaun.
