Reportajen David da Costa Gusmao
Primeiru Ministru (PM) Taur Matan Ruak hateten iha tinan 2021 timoroan sira iha rai liur, iha Australia, Korea, Irlanda, Inglaterra, no hosi rai ne’ebé de’it, sira haruka osan mai Timor hamutuk $121 milloens.
“Ita boot sira haree, iha 2021 ita nia oan sira, familia sira, Timor oan sira iha rai liur haruka osan mai 121 milloens dolares amerikano,” Dehan Primeriu Ministru Taur Matan Ruak, iha Salaun Hotel Timor Lodge Comoro, bainhira partisipa iha serimonia despedida no asina deklarasaun entre familia traballadór ho SEFOPE konaba traballadór Timoroan na’in 87 ne’ebe atu ba serbisu iha korea, Sexta 6/05.
Nia esplika reseita Timor-Leste nia uluk mai hosi fundu petrolíferu no kafé, maibe agora reseita tuir tan maka traballadór no timoroan sira iha rai liur ne’e.
“Ita nia reseita uluk minarai premeiru, kafe segundu , maibe agora sira mak segundu fali , kafe ba tiha kotuk,” Dehan Taur.
Timoroan sira iha liur no trabaladór ne’e, sira ba rai liu ne’e aru kontribu diak ba familia sira nia moris, maibe sira kontribui mós ba dezenvolvimentu nasaun nian.
“Ho ida ne’e governu deside atu kria sekretariu estadu ida tau matan ba ita nia komunidade sira iha rai liur, hodi reforsa serbisu Ministériu Negósiu Estranjeiru no Kooperasaun, atu tau matan ba sira, iha ne’ebe deit sira hela ba. Tanba sira mos rai ida ne’e nia oan, sira mos fo nia kontribuisaun ba nasaun ida ne’e,” nia esplika.
