Reportajan husi estajiadu UNTL, Joanina Casemiro
Diretór Eskola Ensinu Sekundária Jerál (EESG), 5 de Maiu, Manuel Verdial husu ba parte relevante liu-liu ba Ministériu Edukasaun Juventude no Desportu (MEJD) orienta kaderneta urjente ba eskola refere, tanba durante kaderneta la iha atu prienxe estudante sira nia valór.
Ba Neon Metin Manuel Verdial dehan problema sira hanesan ne’e presiza resolve, papél importante ne’ebe MEJD presiza halo no hare ba mos asuntu infraestrutura.
“Livru kaderneta ba eskola no mos formasaun ba professor sira, la’os haree ba nia hatais di’ak, maibe haree nia dalan implementasaun, metodolojia iha aula laran atu nune’e iha rezultadu,” dehan, Diretór Manuel ba Neon Metin iha 05 de Maiu Becora, 27/05.
Nia dehan estudante presiza hetan kualidade, atu nune’e ita bele garantia katak, labarik sira ba oin nia partisipasaun ba dezenvolvimentu nasionál ne’e, bele garantia katak timoroan aprende iha nia rain duni, tenke halo mudansa ba nia rain.
“Eskola 5 de Maio sempre identifika professor sira ne’ebé uluk tuir ona formasaun, sira ne’ebé seidauk tuir formasaun tenke buka nafatin, tanba ezisténsia importante los, hanesan Diretór hau sempre rekomenda bei-beik katak informasaun ne’e importante ba professor sira,” nia tenik.
