Reportajen husi estajiadu UNTL, Joselina dos Santos
Ministra Saúde (MS) asina termu aseitasaun ba kargu Diresaun no Xefia iha IADE hamutuk 24, kompostu husi mane 17 no feto 7, iha área médiku jerál junior hamutuk ema na’in 8, aloka ba postu saúde no área médiku dentista junior hamutuk ema na’in 16 aloka ba hospital referal, objetivu hodi servi komunidade sira iha área remotas.
Ministria Saúde, Dra. Odete Maria Freitas Belo hatete ohin loron iha eventu importante ida, tanba lori mediku sira ne’ebé mak durante ne’e servisu hanesan kontratadu kuaze hanesan ho funsionáriu públiku sira seluk.
“Ami kontinua esforsu hodi reorganiza no inova serbisu nasionál saúde, objetivu atu hadi’a diak liu tan prestasaun kuidadus saúde primarius ho kualidade populasaun nian, Aleinde buka maneiras teknikus materiais no finanseiras hodi had’ia asesu saúde iha komunidade liu-liu ba sira ne’ebé hela iha áreas remotas,” dehan MS ba Neon Metin iha Odete Maria Freitas Belo ba Neon Metin iha Salaun Palacio das Cinzas, Caicoli, 30/05.
Nia dehan médiku hira ne’e sufisiente tanba iha Timor ita iha Suku lubuk ida ne’ebé médiku la sufisiente, entaun Ministriu Saúde nia polítika atu harii postu saúde ba kada suku iha teritoriu Timor laran, maibé kada Suku ida ne’e seidauk to’o iha ne’eba.
“Atualmente Suku balun iha postu saúde ami nia pakote ne’e rasik hatete, presija iha médiku infermeira parteira tékniku kualidade no sira ne’ebé iha abitasaun literaria no akaba sira nia kursu iha saúde públika, maibé seidauk bele prienze tanba seidauk sufisiente entaun funsionáriu públiku laiha, maibé ami mos bele halo kontratu atu bele hola parte hodi hala’o sira nia servisu iha postu saúde,” nia dehan.
Ministra Saúde konklui durante ne’e atu halo maibé iha tempu Kovid-19 entaun ami lori fila médiku balu mai servisu hamutuk iha nasionál no balun servisu iha munisipiu tanba koko atu jere rekursu ne’ebé mak iha.
