Reportajen estudante estajiadu UNTL, Joanina Casemiro
Embaixadór Australia iha Timor-Leste, Bill Costelo hasoru malu ho Sekretáriu Estadu Meiu Ambiente Demétrio Amaral de Carvalho hodi koalia konaba kooperasaun iha área Meiu Ambiente nian iha Timor-Leste.
Sekretáriu Estadu Meio Ambiente Deométro Amaral De Carvalho hateten, Embaixadór foun hakarak atu halo konversa iha area juri Ministeriais sira, hodi koñese familiariza nia a’an ba servisu iha lina Ministeriu sira atu nune’e fó oportunidade hodi halo kooperasaun, ho reforsa kooperasaun sira iha área Meio Ambiente nian.
“Ohin aprezenta asuntu sira ne’ebé, ami espekta atu hetan servisu hamutuk ho governu Australia iha área nutrisaun klimátika iha área kooperasaun hanesan dezenvolvimentu, Ekonomia Tasi no ekonomia Azul, espekta atu iha kooperasaun ne’ebé metin liu husi Australia ho Nasaun iha pasifik, tanba ita iha problema kona-ba Lafaek nia,” dehan Sekretáriu Estadu Meiu Ambiente ba jornalista sira iha nia kna’ar fatin Bebora Dili 06/06.
Governante ne’e dehan tinan barak nia laran ita nia populasaun sira hakarak kombate lafaek Australia nian iha progresu ne’ebé di’ak liu, iha kestaun lafaek ita husu atu Timor-Leste bele iha fali kooperasaun ho Norte territóri konaba kombate Lafaek nian.
“Ami hamutuk ho UNDP atu prepara aprezentasaun iha forum Timor-Leste ne’ebe sei akontese iha 9 Juñu mai, no mos bairua sei iha aprezentasaun konferensia kona-ba Ekonomia Azul nian ho UNDP no mos embaixadór Portugues organizmu,” nia tenik.
Sekretariu Estadu salienta husi governu Australia ne’ebé reprezenta husi Embaixadór Australia nian, nune’e atu fahe informasaun balu no mos hare ba komunidade sira, saida mak bele reforsa entermos kooperasaun iha area Ambiente nian.
“Situasaun ida ne’e prekombate, ita hatene atu kaer Lafaek ne’e presiza ekipamentu oin-oin ita presiza armadia para kaer Lafaek, no prezisa mos ró,” dehan Sekretariu Estadu
Nia dehan, presiza fatin hodi tau Lafaek sira, tanba ohin ita iha fatin Lafaek ne’e fatin kiik ida iha Hera agora Lafaek besik ba sanulu(10), lafaek refere han na’an de’it entaun ita kaer barak liu han na’an barak liu tan, Presiza osan barak entaun ita haree mos ho koidadu estratejia ida ne’ebé ami promove mak iha tolu ou ha’at.
“Hado’ok ema husi Lafaek, hado’ok Lafaek husi ema ida seluk fahe informasaun atu populasaun komprende kona-ba hahalok Lafaek nian, se populasaun barak servisu hamutuk ho polísia Nasional Timor-Leste (PNTL) ho Falintil forças Defesa De Timor-Leste (F.FDTL) hodi kilat ba oho, entaun ita iha estratéjia ha’at, dadaun ne’e ita implementa estratéjia rua hasees lafaek husi ema, hasees ema husi Lafaek, estratéjia rua ne’e mak ita halo konservasaun ho sentru konservasaun Hera,” dehan Demetrio
