Reportajen Joanina Casemiro
Movimentu Tane RDTL (MOTA-RDTL) hateten Membru Parlamentu Nasional reprezentante povu, maibe laiha seriedade ba povu nia problema, aprova osan hodi sosa karreta foun total 31 no Laptop 65 Membru Parlamentu Nasional.
Tuir Portavos Movimentu Tane RDTL ( MOTA – RDTL ), Abilio da Costa Mendonça dehan relasiona ho politika parlamentu Nasional nian, ne’ebe aprova proposta orsamentu privativu ba tinan fiskal 2023, ho total orsamentu miliaun 1. 950 ne’ebe aloka ba sosa kareta foun ho marka Pajero Sport unidade 31 no Laptop 65 ba membru Parlamentu Nasional sesta lejislatura mesmu mandatu kinta lajislatura besik atu termina ona, Tamba be’e Movimentu Tane RDTL lamenta tebes ho politika kinta lejislatura PN nian ne’ebe aprova proposta orsamentu privativu, ba sosa karreta no Laptop.
” Movimentu Tane ( MOTA – RDTL ) hare katak lolos ne’e membru deputadu sira ne’ebe reprezenta povu Timor Leste iha uma fukun Parlamentu Nasional diskuti foka ba dezenvolvimentu nasional liu-liu hare ba asuntu Ekonomia , saude no edukasaun iha Timor Leste ne’ebe afeita direita ba Povu Timor Leste , povu ne’ebe sai nain ba Estadu RDTL ,Tuir MOTA – RDTL nia hare katak reprezentante Povu iha uma fukun Parlamentu Nasional laiha seridade ba diskuti problema prioridade ne’ebe povu Timor Leste imfrenta iha prosesu dezenvolvimentu nasional maibe pelu kontrariu sira diskuti no aprova fali orsamentu privativu hodi sosa kareta no Laptop ba sira nia an mesmu mandatu atu termina ona maibe reprezentante Povu iha uma fukun PN mos la aprezenta problema real ne’ebe Povu Timor Leste infrenta nu’une bele izizi ba governo hodi tau ba planu asaun anual 2023. Dehan Portavos Abilio ba Jornalista sira iha Jardim 5 de Maio 12/10.
Nia dehan tuir dadus konkretu ne’ebe MOTA RDTL iha , hanesan iha Suco Manelobas , Posto Administrativo Maubisse , Municipio Ainaro oras ne’e dadaun imfrenta problema linha eletrisidade ne’ebe VIII Governo maka instala liu husi Kompanhia UKA II maïbe kria diskriminasaun bo’ot iha povu Suco Manelobas tamba prozetu linha eletrisidade iha suco Manelobas MOTA RDTL hare manelobas ba uma kain 190 deit , husi total uma 350 iha katak husi instalasaun eletrisidade iha suco manelobas VIII Governo laiha seridade ba instalasau linha eletrisidade iha suku refere nune’e hela polemika bo’ot ida ba povu Manelobas.
Liu husi problema ne’ebe povu manelobas enfrenta, MOTA RDTL sente katak membru deputadu sira iha parlamentu nasional laiha dadus tamba lahalo fiskalizasaun , tur iha fatin deit maibe produs proposta orsamentu sosa kareta , PN la hare ba povu nia susar no terus iha nasaun RDTL Movimentu Tane RDTL husu PN hapara sosa kareta hodi tau osan adisional ba problema Instalasaun Eletrisidade iha Suco Manelobas diskuti politika dezenvolvimmntu komunitaria ne’ebe sai hanesan dezenvolvimentu ekonomia non petrolifero hodi atinji objetivu estadu nian ne’ebe koalia iha artigo 6 konstituisaun RDTL nune’e bele garante Bem estar do povu Maubere .
MOTA RDTL la konkorda PN Sosa Kareta foun no Laptop tamba la nesesario mandatu kinta lejislatura besik hotu ona no laiha tan tempu ba PN hodi halo fiskalizasaun , tamba iha tinan 4 nian laran liha viagen local hodi hare povu nia problema , maibe mandatu hotu ona maka hakarak sosa kareta foun , laiha sintidu reprezentativu iha nasaun RDTL. D
