Reportajen estajiariu Filomena Da Conceição
Vise Ministru Saude (MS), Bonifaciio Mau Coli dos Reis hateten rekursu umanu sai hanesan pillár importante ba prosesu konstrusaun saude ne’ebé ho efisiente no efikas, tanba ne’e nia husu atu hadia uluk lai jestaun rekursu umanus hodi bele asegura planu estratejiku nasionál.
“Hanesan ita hotu hatene rekursu umanu sai nu’udar pilàr xave ida ka nu’udar baze no fundasaun importante iha prosesu konstrusaun sistema saùde ne’ebé forte efisiente, efikas no sustentavel. Ita labele hadia uma laran no avansa ba oin, sem ita hadia lai uma laran, ita hadia uluk lai ita nia jestaun do rekursu humanus tanba nee ho objetivu atu asegura planu estratejiku nasional ministeiru saude tenke halo esforsu lubuk ida iha ámbitu dezenvolvimentu no jestaun rekursu umanus setòr saúde,” Dehan vise Ministru Saúde Bonifacio Mau Coli dos Reis ba jornalista sira, iha Hotel Timor, kuarta 19/10
Nia haktuir, iha tinan ida ne’e Ministeiru saùde dezenvolve manuál rekursu umanu ba pesoál saúde sira, ne’ebé zerse sira nia servisu iha nivel munisipál sira..
“Tinan ida ne’e ita mós dezenvolve manuál rekursu umanu ba pesoál saúde no funsionarios sira ba pesoál saúde sira ne’ebée zerse sira nia servirsu iha munisipál sira. Tanba ne’e ita bele konsidera hanesan tinan rekursu umanu ba setór saúde, tanba ministeiru saúde halo ona revizaun ba dekreitu lei kona-ba exersisio profisinál de saúde nian. Ministeiru saúde mós halo revizaun ba dekreitu lei kona-ba regime kareira profisionál de saùde iha mós mudansa importante ne’ebé Miniteiru Saúde halo relasiona ho exersisio no kareira profisionál de saúde, maka difinisaun klaru kona-ba saida maka nu’udar profisionál saúde no wainhira mak ita konsidera katak profisionál saúde exerse duni kareira hanesan profisionál saúde.” Nia esplika.
Nia akresenta katak Ministériu saúde dezenvolve avaliasaun dezempeñu hamutuk ho matadalan liga ba pakote servisu komprensivu ba prestasaun kuidadu saùde Primaria.
“Ministériu Saúde dezenvolve mós formatu avaliasaun dezempeñu hamutuk ho mata dalan atu halo avaliasaun dezempeñu bazeia ba area servisu no indikadór servisu ne’ebé pesoál saúde ida-idak halo liga ho pakote servisu komprensivu ba prestasaun kuidadu saùde Primaria “ dehan Bonifàcio
Objetivu prinsipal husi seminario nee atu hametin governasaun no finansiamentu iha setòr saude, hadiak rekursu umanu ba setor saúde, hadiak advokasia sosiedade sivil sira nian no promove komportamentu saudavel iha nivel uma kain no komunidade.
