Reportajen David Da Costa
Partidu Unidade Nasional Demokratika Resistencia Timor (UNDERTIM), no Partidu Movimentu Libertasaun Povu Maubere (MLPM), submete ona lista kandidatura ba Tribunal Rekursu (TR), hodi bele hetan legalizasaun husi órgaun Judisiál molok kompete iha Eleisaun Parlamentár tinan ne’e.
Vice Sekretáriu Jerál Partidu UNDERTIM Adolfo da silva “Watulesa” Konfirma Partidu ne’e rasik submete ona lista Kandidatura ba Tribunal Rekursu hamutuk ema nain 65 no Suplemetu na’in 25.
“Ami hatama ona lista kandidatura ba tribunal no sira simu ona, nune’e ami hein deit kuandu legaliza ona ami prontu ba tuir Kampanña ,ami iha lista kandidatura nain 65 no 25 suplemetu.” Dehan Vice Sekretáriu Jerál Partidu UNDERTIM, Adolfo ba Jornalista sira Tribunal Rekursu Kaikoli, Segunda 13/03.
Nia haktuir, partidu UNDERTIM daudaun ne’e hala’o hela preparasaun hodi kompete iha Eleisaun Parlamentar, no sira fiar katak sei hakat liu barreira 4% iha Parlamentu Nasionál.
“Ami fiar hakat liu barreira tanba UDERTIM mai husi povu no fila fali ba povu mak bele determina ,ne’ebe ami Garante “nia Deklara.
Iha fatin hanesan, Sekretariu Jerál Partidu MLPM, José Martins Domingos Belo informa partidu rasik hatama ona dokumentus no lista kandidatura sira, tan ne’e hein deit desizaun husi Tribunal Rekursu.
“Partidu MLPM submete lista kandidatura ba Tribunal Rekursu, hodi bele kompete iha Eleisaun Parlamentar ne’ebé sei akontese iha 21 Maiu , orsida ami hein desizaun husi Tribunal katak ami nia dokumentus kompletu no legaliza ona ,ami prepara ba kampaña.” Nia esplika.
Nia hatutan Partidu MLPM lakohi atu halo koligasaun ho Partidu seluk ,tanba nia hakarak lao mesak, hodi kompete iha eleisaun Parlamentar iha tinan ne’e. Tanba tuir Partidu MPLM durante ne’e, nota katak povu Timor Leste Terus liu ona, nune’e deside lao mesak.
Sekretario Jerál Partidu Movimentu Libertasaun Povu Maubere, relata Iha lista kandidatura ne’e Partidu PLPM ne’e submete lista hamutuk ema nain 100 ne’ebe sei kompete iha eleisaun Parlamentar.
Enkuantu tuir data tentativa ne’ebé Tribunal Rekursu anunsia katak Partidu Politiku sira iha tempu atu submete, validu to’o loron 15 Marsu iha tuku 17.00.
