Reportajen Joanina Casmiro
Negosiante tiga roda no aileba sira fo esperansa boot ba governu foun mai, bainhira partidu se maka povu fó fiar, bele loke tan merkadu sira, nune tiga roda no aileba oan sira, ne’ebé faan iha dalan ninin bele iha fatin ,hodi faan sira nia sasan.
Carlos Sarmento nu’udar negosiante tiga roda, hateten, durante ne’e sira faan modo iha tiga roda sira sempre hasoru problema, waihira ba fa’an iha merkadu taibesi Ualikota sira sempre duni sira ba tama iha laran, entaun negosiante sira ne’ei ba bou malu iha laran to’o ema la hola modo ne’ebé sira faan no sai dodok no a’at hotu. Tanba ne’e, governu foun mai, tenki tau mos importante ba Aileba oan sira ne’ebé fa’an modo iha dalan ninin, se bele karik kria mos merkadu ida ne’ebé dignu ba tiga roda no aileba oan.
“Maibé Ami ba fa’an fali iha dalan nia mos sira duni oinsa ami bele buka ami nia moris loron kalan. Tanba ne’e, ha’u nia esperansa ba governu foun 2023 nia mai, se de’it mak lori tau mos matan mai ami Aileba oan sira tenke loke ka aumenta tan merkadu tanba merkadu taibesi no manleu ne’e la to’o ami sempre hasoru problema tanba fatin la iha ema sempre duni ami ba mai. Entaun ami sai hela de’it vitima waihira fa’an sasan,” Dehan Negosiante Carlos ba Noen Metin, iha Audian, Sabadu 6/05.
Nune’e mós negosiante Carmelita Andrande Xavier, dehan, hanesan negosiante husu ba governu foun, partidu se mak ukun karik, tau mós importansia ba negosiante sira ne’ebé faan modo iha dalan ninin, se bele tenke aumeta tan merkadu tanba menus merkadu entaun negoaiante sira mós faan sasan hadau malu fatin, ho ida ne’e balun desidade faan iha dalan ninin no balun leba deit sira nia sasan ne’ebé faan ne’e.
“Ha’u nu’udar Juventude negosiante esperansa ba governu foun mai, se karik povu fó fiar ba partidu se de’it mak atu lori tenke tau matan ba ema hotu-hotu la bele haree ba kor tanba ita nia nasaun ne’e se la la’o ba oin, tenke iha dame paz ema hotu hotu sai ida de’it la bele sai ba rua. Importante haree mos ami sira ne’ebé sempre hasoru problema iha merkadu taibesi tanba fatin,” nia esperansa.
Negosiante Juliana Mendoca mós hateten, sira faan modo iha merkadu Taibesi nunka hakmatek sempre iha problema ho ema sira ne’ebé faan premanente ne’e, tanba dalaruma sira fó fatin dalaruma sira la fó fatin entaun sempre hirus malu. Tanba, dala barak negosiante barak tun husi foho mai tur iha liur seguransa sempre duni no haruka tama ba laran no la tur hakmatek.
“Tanba ne’e, ha’u nia esperansa ba governu foun mai tenke haree no taun mata mai ami negosiante sira ne’ebé fa’an modo iha dalan ninin no iha merkadu Taibesi. Tanba Ualikota sira sempre duni ami negosiante sira ne’ebé fa’an modo iha dalan ninin se karik mak sira duni hela de’it ami oinsa ami bele buka moris no haruka ami nia oan sira ba eskola. Ho ida ne’e, partidu se de’it mak povu fó fiar hodi kaer governu foun mai tenke halo tuir nia programa ne’ebé durante sira halo kampanha sira sempre fo sai mai povu,” nia esperansa.
Negosiante Antonio da Conceição mós haktuir, durante sira faan modo ne’e problema ne’ebé mak sira hasoru la iha buat seluk sira sempre hadau malu ba fatin tanba sira ne’ebé hetan ona uma oan hodi fa’an sasan maibe sira sei nafatin sai mai okupa iha liur ida ne’e mak durante geosiante sira sempre hasoru problema ida ne’e.
“Tanba ne’e, ha’u nu’udar aileba oan iha esparansa ba governu foun mai, se de’it mak atu ukun, tenke haree mós problema ne’ebé negosiante sira hasoru ne’e, no halo tuir programa ne’ebé nia promesa ona ba povu durante nia halo nia kampaña nia sempre apresenta sira nia programa ne’e tenke lori paz no dame ba rai doben ida ne’e tenke iha mudansa,” nia esperansa.
