Reportajen Silvino Freitas
Atuál Ministériu Edukasaun Juventude no Desportu (MEJD) Armindo Maia fó esperánsa ba governu foun presiza hametin progressu ne’ebé nia halo, hadi’a dezafiu sira ne’ebé infrenta iha mandatu, durante nia mandatu identifika probele barak liga ho fasilidade eskola sira nian.
Ministériu Edukasaun Juventude no Desportu (MEJD) Armindo Maia hateten, hanesan atual ministeriu iha oitavu governu maske ho tempu badak tinan 2 maibé antes ne’e ho pandemia no kalamidade nune’e labele hala’o servisu ho di’ak, maibé ho esforsu ne’ebé iha mak konsege hala’o infrastructura, professor no bolsa meritu sira no éspera katak ho governu foun ne’ebé mai bele kontinua reforsa liu tan rezultadu ne’ebé atinji ona nune’e bele fo kualidade edukasaun ba estudante sira.
“Karik FRETILIN mak kontinua ukun hau nia mandatu ne’e hanesan militante no kuadru partidu submete fali ba iha partido atu hili sé no desizaun ne’e partido nian” dehan MEJD Armindo Maia hafoin ezerse nia votu iha eskola Faról Dili, (21/05).
Nia dehan tan, presiza hametin, habelar no haburas seitor edukasaun nian nune’e hametin buat ne’ebé hala’o ona hadi’a buat ne’ebé la duun di’ak hodi haburas no habelar, tanba eskola sira iha area remotas sira bainhira sai ministeriu dukasaun identifika katak iha eskola balun ne’ebé laiha meja no kadeira uza de’it au-betu ne’e importante tebes atu hadi’a.
