Reportajen Agustinha Amaral
Ministériu Negósiu Estranjeiru no Koperasaun Timor-Leste (MNEK) Bendito dos Santos Freitas hato’o vijita ofisial Ministru Negósiu Estranjeiru (MNE) Singapura mai ita Timor-Leste hanesan reforsa koperasaun bilateral entre país rua ne’e. Iha vijita ida ne’e ko’alia mos konaba preparasaun Timor-Leste nia adezaun ba ASEAN.
“Dezafius no difikuldade ne’ebe ita hasoru tanba ne’e mak Ministériu MNE Singapura nian hodi mai halo deklarasaun no komprímisiu hodi fo apoiu ba ita nia rai Timor-Leste ida ne’e, no liu husi kapasitasaun no formasaun kompetensial, abaliadade profesional ba ita nia elementus sira, ne’ebé mak defini ona iha nível ministerial hodi bele intere tama iha ne’eba,” hateten Ministru MNEK Bendito Freitas ba jornalista sira iha salaun MNEK, Praia dos Coqueiro, Dili, Segunda-feira, 24/07.
Iha fatin hanesan Ministro MNE Singapura, Vivian Balakriahnan informa tan katak reuniaun Ministru MNE Singapura ho Ministru MNEK Timor-Leste la’o ho di’ak tebes no diskusaun entre parte rua ne’e ko’alia liu konaba asuntu koperasaun bilateral sira.
Tanba ne’e nia mos ko’alia konabá oinsá mak bele lori relasaun bilateral ne’e ho di’ak ba oin no uluk kedas Singapura estabelese nia amizade ho Timor-Leste.
