Reportajen Joselina dos Santos
Autoridade Protesaun Civil (APC), liuhosi Gabinete Relasaun Externa no Komunikasaun atualiza informasaun kona-ba akontesimentu dezastre naturais iha Timor-Leste, hahú husi Fulan Janeiru to’o fulan Jullu 2023 katak total afetadu dezastre naturais hamutuk 2019 Familias, husi totál xefe familia 935 maka hetan apoiu ona no 1084 mak seidauk hetan apoiu, tanba nune’e APC sei esforsu hodi fó apoiu ba komunidade afetadu sira.
Liuhosi Konferensia Imprensa, Xefi Relasaun Externa no Komunikasaun Anacleto Caetano hateten, ohin ne’e atu informa ba públiku katak durante iha semana ida ne’e akontese dezastre naturais ho tipu tolu mak hanesan anin boot, rai halai no ahi-an uma. No iha munisipiu Baucau, Bobonaro, Manatuto, Manufahi, Viqueque no RAEOA total dadus iha semana ida ne’e hamutuk 49 familias mak afetadu, maibé laiha ema ida mak lakon vida.
“Iha loron 18 fulan jullu 2023 iha Munisipiu Baucau Postu-Adminiatrativu Venilale, akontese anin sobu komunidade nia uma ida, no iha loron 4 fulan iha Postu-Administraitvu Baucau-Vila, Suku Gariwai Aldeia Maucali akontese mos anin boot estraga komunidade nia uma ida”, dehan, Xefe Relasaun Externa no Komunikasaun Anacleto Caetano Liuhosi Konferensia Imprensa, iha Salaun APC Kaikoli, 24/07.
Nia haktuir, iha Munisipiu Bobonaro Suku Molop, Aldeia Molop-Taz iha loron 4 fulan jullu akontese rai halai hodi estraga komunidade nia uma hamutuk sanulu resin-rua. Iha Suku Ai-Assa, Aldeia Asalgusun iha loron 4 fualn jullu akontese rai halai estraga komunidade nia uma ida. Iha Suku Lahomea, Aldeia Haculaka iha loron 17 fulan jullu 2023 akontese anin boot sobu komunidade nia uma ida.
No iha Munisipiu Manatuto Postu-Administrativu Laleia, Suku Lifau, Aldeia Uma-Clalan iha loron 12 fulan jullu akontese rai halai hodi estrga komunidade nia uma ida. Iha Suku Cairui Aldeia Rai-ubu iha loron 16 fulan jullu akontese anin boot sobu komunidade nia uma ida.
Nune’e mós iha Munisipiu Manufahi, Postu-Administrativu Same, Suku Betano, Aldeia Silihasan iha loron 16 fulan jullu akontese anin boot sobu komunidade nia uma ida. Iha Suku Holarua, Aldeia Fatuku iha loron 17 fulan jullu 2023 akontese anin boot sobu komunidade nia uma ida. Iha Suku Tutuluro, Aldeia Batas iha loron 4 fulan jullu akontese rai halai estraga komunidade nia uma hamutuk 13 no iha Aldeia Ailau akontese rai halai estrga komunidade nia uma tolu, nomos iha Aldeia Bubulau akontese rai halai no estraga komunidade nia uma ida. Iha Suku Dai-Sua, Aldeia Riatu akontese rai halai estraga komunidade nia uma haat.
Iha RAEOA Sub Rejiaun Nitibe Suku Bene Ufe Aldeia Lamasi iha loron 6 fulan fevereiru akontese anin boot sobu komunidade nia uma neen. Iha Sub Rejiaun Ponte Makasar Suku Costa Aldeia Palaban iha loron 20 juñu 2023 akontese ahi-an komunidade nia uma ida.
Enkuantu iha Munisipiu Viqueque Suku Uamori, Aldeia Uma Liurai iha loron 4 fulan jullu akontese anin boot sobu komunidade nia uma ida. Relasiona ba akontesimentu ne’e APC fó ona apoiu ba komunidade afetadu sira.
