Reportajen Silvino Freitas
Servisu Apoiu Sosiedade Sivil no Auditoria Sosiál (SASCAS) identifika feto 100 resin ne’ebé hala’o servisu pineira rai-henek iha mota Komoro hodi buka osan, nune’e mós totál komunidade husi feto no mane ne’ebé hala’o atividade iha mota laran liu 5000 tanba ne’e presiza tau atensaun ba komunidade sira nia difikuldade.
Tuir Diretór Executivu SASCAS Edvin Noronha katak, SASCAS nia apoiu ne’e hahú husi mota ain to’o mota ulun kasnafar nain, tanba tuir dadus ne’ebé ADBN nia deskobrimentu no oferese ona ba SASCAS katak komunidade pineiru ne’e hamutuk 5000 resin.
“Husi numeru refere ne’e iha 100 resin ne’e mai husi inan feto no joven feto” dehan Diretór SASCAS Edvin Noronha iha ponte foun Comoro, (05/10).
Nia dehan tan, relasiona ho numeiru refere hatudu katak ema barak mak servisu iha mota laran hodi buka moris, tanba ne’e presiza iha organizasaun ida ne’ebé tau matan ba sira nia atividade, hakbesik an ba sira atu bele ko’alia ho sira liga liu ba interese komun sira hanesan kuida rekursu públiku sira ne’ebé besik iha sira nia sorin, tanba tuir SASCAS nia observasaun katak balun hahú pineira besik ona ba ponte hun nomós murulla ne’ebé satan ameasa bee nian.
