Reportazen Francisco JDA
Uniaun Europeia [UE] ho Timor-Leste assina akordu finansiamentu $5.5 milliaun ho objetivu atu ajuda komunidade sira iha area rural, hodi kombate efeitu negativu hosi mudansa klimatika.
Alinaca Global Mudansa Climatika GCCA+ no Uniaun Europeia hasae subsistensia ba ema hotu bainhira luta kontra mudansa klimatika. Programa [GCCA+] sei promove pratika matenek rural, inklui reflorestaun hosi grupu rural sira espesialmente feto maluk sira.
Tuir Embaixador Uniaun Europeia, H.E Andrew Jacob ba Neon Metin informa katak mudansa klimatika nu’udar realidade ne’ebe tau iha risku ba meius subsistencia ba agrikultor sira iha Timor-Leste
“Alinsa Mudansa Climatika Global sei ajuda sira atu adapta kolekta teknika, ne’ebe hodi halo mitigasaun hasoru efeitu negativu ba mudansa climatika, sei ajuda mos atualiza teknika maksimiza potensial ba feto, atu hetan benefisiu hosi floresta”, dehan Andrew ba Neonmetin iha Praia dos Coqeiros Ministerio Negosio Estranjeiro 24/01
Nia reforsa tan katak programa ne’e sei fo apoio ba dezenvolvimentu carbono fleksibilidade iha Timor-Leste rasik, iha potensial atu lori benefisiu ekonomiku boot iha tempu hanesan, ne’ebe promove no halao konservasaun florestal
Iha fatin hanesan Secretariadu Estadu Meiu Ambiente, Demetrio Amaral hateten hosi planu adaptasaun ba altersaun klimatika ne’ebe aprova iha 2009 too ohin loron, Timor-Leste mobiliza rekursu financiamentu barak ba atividade ambiente
“Timor- Leste laos nasaun emitor gas estufa, ita nia emisaun 0,003 porcentu hosi emisaun global paises sira emitor iha mundo, iha responsabilidade moral atu kompartilha ho rekursu balun atu melhora ita nia ambiente”, tenik Demetrio
Demetrio hateten assinatura ohin, fundus ida hosi Uniaun Europeia mai hosi mekanismo ida ho naran Global Climate Change Alliance Plus Initiative, ne’ebe atu ajuda ba karbon of setting projec iha Timor-leste, iha ema esperencia balun entidade sira hanesan, Baguia, Laklubar no Soibada, dadaun ne’e lao hela espera bele alarga tan projeitu ne’e ba iha fatin seluk, atu benefisia Timor oan liu hosi kuda ai no proteze ai laran sira.
