Reportajen Umbelina dos Reis
Komemorasaun loron nasional veteranus ba da-VII, Ministro Assuntos Combatentes Libertação Nasional husu ba instituisaun hotu iha Timor-Leste hamutuk, fo hanoin ba malu hodi halo reflesaun ba liafuan vítima, tanba Timor-Leste ukun rasik aan ona, mezmu ema barak sai vítima maibé rezultadu manan naran Repúblika Demokrátika de Timor-Leste (RDTL).
Ministro dos Asuntos Combatentes Libertação Nasional, Gil Da Costa Monteiro “Oan Soru” hateten lori veteranus Timor-Leste nia naran fó onra no agradese ba eroi sira mak sakrifika aan ba ukun-aan ida ne’e.
“Ita hamutuk iha fatin ne’e fó onra no gloria ba sira ne’ebé luta ba libertasaun nasional, hanesan Ministru apela ba Timor-oan hotu labele hateten tan lia-fuan vítima ba sidadaun Timor-oan sira tanba dala-ruma ita hateten lia-fuan vítima ne’e ba ita nia aan rasik. Nune’e ita sente halo funu mak objetivu ukun rasik aan ona, maibé ita kontinua foti lia-fuan vítima ba ita nia aan rasik, nune’e husu ba instituisaun hotu iha Timor-Leste no líder sira tenki hamutuk halo reflesaun ba liafuan sira ne’e, mezmu inan no oan sira vítima ba saída de’it maibé rezultadu ikus manan Repúblika Demokratíka Timor-Leste (RDTL).” dehan Ministru Assuntos Combatentes Libertação Nasional, Gil Da Costa Monteiro, liu hosi nia diskursu iha komemorasaun loron nasional veteranus, iha CCD, merkadu-lama, domingo 03/03.
Nia konklui, loron ohin ne’e loron ne’ebé asina ona akta ba reuniaun ne’ebé mak orador prinsipal sira dehan, anunsia ona akta ne’e hodi anunsia iha tempu ne’eba la’os siaran langsung hanesan agora maibé asina ona akta ne’e sai hanesan “lei de ordem, a luta continua, a vitória é certa.”
“Loron 3 fulan Marsu nia sentidu a luta kontinua tanba tinan lubuk nia laran ami iha ai-laran kanta eh Foho Ramelau ne’e tanba laiha fuan esperansa, maibé ohin loron ami iha ona esperansa boot tanba líder boot Lere Anan no maun boot Kay Rala Xanana Gusmão Timor sai ona sasin.” Nia dehan.
