Reportajen Agustinha Amaral
Autoridade Protesaun Sivil (APC sigla Português) liu husi Gabinete Relasaun Externa no Komunikasaun, rejistu tipu kazu dezastre naturais, insendiu, erozaun, no anin boot afeta komunidade nia uma hetan estragus ho família afetadu hamutuk 25 mak sai vítima iha munisípiu 8.
Tuir Xefi Relasaun Externa Autoridade Protesaun Sivil (APC), Nelson Nunes de Orleans hateten, durante fulan juñu nia laran APC liu husi ekipa turnu munisipiu serbisu hamutuk ho ekipa nasionál observa, durante semana ida ne’e, iha rejiaun Timor-Leste normal no akontese tipu dezastre, insendiu, erosaun, no anin boot rezulta komunidade nia uma hetan estragus.
“APC rejistu tipu kazu dezastre hamutuk 25, ema afetadus 85 liu-liu munisípiu Aileu, anin sobu 1, Munisípiu Bononaru anin sobu 2, munisípiu Baucau anin sobu 4, munisípiu Ermera anin sobu 1 rai halai 5, munisipiu Manatuto anin sobu 2, rai halai 1, munisipiu Viqueque anin sobu 5, munisípiu Liquiça anin sobu 3, RAEOA anin sobu 1”. Dehan Xefi Relasaun Externa Autoridade Protesaun Sivil Nelson Nunes de Orleans, ba Jornalista sira iha salaun APC Kaikoli, Segunda 15/07.
Nia hatutan, hafoin akontesimentu, Komandu APC Munisipiu ho parseirus relevante sira fornese asistensia emerjensia ba familia afetadu sira iha lokal akontesimentu tanba la’os ahi-han (food item & Non-food Item), entaun Komando Operasional APC Munisipiu kontinua halo levantamentu detallu kona-ba sasan ne’ebe estragus no lakon.
“Ita nia ekipa APC iha Munisipiu serbisu hamutuk ho parseiru relavante sira tun direita ba fatin akontesimentu hodi halo intervensaun ba komunidade sira ne’ebe hetan dezastre, ita nia ekipa apoiu emerjensia ba komunidade afetadus sira.”
