Reportajen Filomena da Conceicao
Prezidente Autoridade RAEOA, Rogeiro Tiago Lobato kongratula manan nain sira ba prémiu Maria Gorrete Joaquim nune’e, Nia husu atu fo oportunidade mos ba jornalista Nusan Tenggara Timor, (NTT), atu bele hakerek istória, tanba inisiativa refere hanesan inisiativa ne’ebe kapas tebes, hodi bele kontinua memória de onra.
“Prémiu Ida ne’e hanesan inisiativa ida ne’ebe kapas tebes, Maria Gorete Joaquin, nia mate sedu loos no inisiativa ida ne’e kapas, ita tenke kontinua nia memória de onra”, dehan Rogerio iha festival fronteira Kampu Oebau, Kuarta/16/10
Nia haktuir hakarak lansa mos dezafiu ida ba nia jornalista sira, RAEOA prontu atu halo akordu ida ho sira, para tinan oin Festival Fronteira iha Covalima, Ita bele atribui prémiu Maria Gorete ba jornalista sira ne’ebe hakerek istória ba hirak ne’ebe sei moris iha TL.
“Hau hakarak husu ba Chega katak ita halo komparasaun ne’e tenke trans nasionál, labele ba jornalista iha Timor-Leste deit, maibe fo mos oportunidade ba jornalista Sira iha NTT atu sira mos bele hakerek kona-ba realidade ne’ebe sira hasoru atu ita nia amizade nee bele aumenta metin Liu tan iha rekonsiliasaun.”, Dehan Rogerio
Entretantu Prémiu Maria Gorrete Joaquim media nain tolu hanesan Neon Metin, Jornal Independent no RTTL mak sai manan nain ba prémiu ne’e
