Reportajen Umbelina dos Reis
Relasiona ho kazu asédiu seksual neʼebé akontese ba estudante feto sira iha Universidade Dili (UNDIL), Frente Buibere Oan (FBO), analiza aspektu kondisoes ba asediu sexual ne’e bainhira estudante ne’ebe atu depende vitimal iha universidade Dili atu halo pres konferensia hasoru predator sexual. Maibé forsa refresivu premanismu estrutura UNDIL la fo espasu ba vitima sira hodi ko’alia sai ba publiku. Maibe lo-loos ne’e fatin akademiku mak fatin seguru hodi salva no proteje vitima asediu sexual sira.
Amandina da Silva hateten, hau hanoin la presiza evidensia, tanba ita ko’alia konaba evidensia ne’e sensitivu oituan ita hakarak hare hosi aspektu lojika oinsa analiza kondisoes ida ne’e. Primeiru bainhira estudante sira ne’ebe depende vitima asediu sexual sira hodi halo Pres konferensia hodi hasoru predator sexual hetan limitasaun hodi estudante sira ne’ebe hetan depende predator sexual forsa refresivu salva estrutura UNDIL. Tanba sira la fo espasu ba vitima sira hodi halo pres konferensia hasoru predator hosi lojika ida ne’e ita hatene ona katak iha subornu ne’ebe oferese hosi estrutura UNDIL ba estudante premanismu sira kontra vitima sira ne’ebe hakarak foti sira nia lian atu depende hanesan vitima ida ba abuzu sexual ne’ebe komete hosi predatór sira.
“Ba Premanismu sira karik asédiu ne’e mak akontese ba imi nia inan, feton no alin feto, seraque premanismu sira ne’ebe depende predator ne’e nonok de’it ka lae, imi kontra ida ne’e tanba la akontese ba imi nia familia sira, se akontese ba imi, dala-ruma imi premanismu mos la nonok hodi luta kontra hasoru injustisa, nune’e aktu neʼebe imi halo iha Campus UNDIL ne’e la-loos.” Dehan Frente Buibere Oan (FBO), Amandina da Silva, ba Jornalista sira liuhosi konferensia imprensa, iha Jardin 5 de maio, kinta-feira, 23/10.
Nia informa, Tuir lo-loos espasu akademiku UNDIL sai hanesan fatin espasu proteje no seguru ba vitima sira hodi garante vitima estudante feto sira nia lian atu rona, maibé ironikamente diferente tanba ne’e mak Frente Buibere Oan kestiona, nune’e ami nia haree UNDIL la merese atu kontinua, se UNDIL kontinua depende predator sexual no aktu mal, ha’u hanoin diakliu taka tiha deit universidade ida ne’e. Tanba Universitariu la merese no la fo ezemplu diak ba estudante sira atu luta hasoru injustisa, liu-liu aktu asédiu viola feto ida nia dignidade
Estrutura universidade Dili (UNDIL), hahu selu estudante sira ne’ebe sai preman bain-bain halo problema iha UNDIL ne’e estrutura UNDIL hahu akumula no selu estudante preman sira ne’e mantein nafatin, sorin seluk estudante preman sira ne’e asegura ba ema ne’ebe buka lia-los no kritiku ne’e dosente sira selu netik nune’e bele satan no atuasaun ba Jornalista sira ne’ebe foin dau-dauk atu halo komunikadu imprensa iha Campus UNDIL ne’e akontese tanba selu hosi estrutura Universidade rasik hodi salva Predator sexual iha universidade laran.
“Tanba ne’e mak ami nia ezijénsia kestiona kredibilidade universidade refere, se ita mak promove nafatin universidade ne’ebe la promove liberdade expresaun la fo espasu hodi ema luta ba injustisa di’ak taka universidade, tanba bainhira ita iha espasu akademiku hanorin estudante hodi liberta sira nia an. Tanba kazu asédiu ne’e akontese ba estudante feto sira barak ona nune’e ami la tauk kontinua hamrik hamutuk ho vitima sira hodi prosesa ba oin.” Nia konklui.
