Reportajen David da Costa
Hahú husi fulan Janeiru to’o loron 31 Dezembru tinan 2025, Autoridade Aduaneira (AA) ka Alfandega Timor-Leste, kontribui reseita hamutuk $120,850,308,46 ba kofre estadu.
Komissariu Autoridade Aduaneira Joanico Pinto, hatete, Autoridade Aduaneira hakarak partilla ba publiku kona-ba totál rejeita hira maka aturidade ida ne’e koileta hahú husi Fulan Janeiru to’o mai Fulan Dezembru 2025. Tanba ne’e Autoridade Aduaneira instalasaun nian office atu halo atendimentu ba ema no sasan tama no sai hamutuk iha hitu maka Batugade, Bayu Undang Offishore, Dili Airoportu, Dili/Tibar Portu, Maliana Tunubibi, Post Office, Suai Salele. Fatin hirak ne’e maka halo atendimentu ba ema no lori sasan tama no sai.
Iha postu integradu Batugade, Autoridade Aduaneira koleta hamutuk $2,543,941.43, atividade petrolliu nian Bayu Undang Offishore ne’e, maske desmantela ona maibé atividade ne’ebé maka sira sei halo iha ne’eba ne’e kontribui reseita mai ne’ebe hamutuk $37,111.10, Airoportu Dili ne’ebe lor-loron uza halo atendimentu ba aviaun komersiais tama no sai iha Timor-Leste ne’e hamutuk $1,479,796.98.
Nune’e mós Portu Tibar ne’e hamutuk $116,201,445.71, depois postu atendimentu ne’ebe Autoridade Aduaneira loke iha Tunubibi ne’ebá ne’e hamutuk $11,512.18, no Post Office ne’ebe normalmente ema haruka sasan ne’e liuhusi Post Office, Autoridade Aduaneira mos halo kolesaun hamutuk $12,642.54, no post integradu fronteira Salele ninia ne’e hamutuk $563,858.52. Entaun sira ne’e hotu tau hamutuk Autoridade Aduaneira koilleta $120,850,308. 46.
“Ami tinan kotuk ne’e tarjeitu ne’ebe governu liuhusi Ministeiru Finansas (MF) partikularmete Makro Ekonomiku halo previsaun mai ami ne’e, nia trajeitu ne’e tenke 119 milloens. Entaun ami nia kolekasaun 120 milloens ne’e ami pasa tiha ona alvu ne’ebé maka sira fó ba ami iha tinan kotuk. Ida ne’e lori mos esforsu balun ne’ebe ami halo ikus mai ami bele ultrapasa alvu ne’ebe governu fó ba ami” dehan Komissariu Autoridade Aduaneira Joanico Pinto ba Jornalista sira iha Torre Ministeriu Finansas, Pizu 7, Aitarak-Laran Dili, segunda 12/01.
Nia haktuir, ne’ebe kontribusaun reseita sira ne’e laos mai husi kolekasaun sira sasan tama mai ne’e, maibé mos ho esforsu sira ne’ebe Autoridade Aduaneira halo maka sasan sira ne’ebe maka Autoridade Aduaneira prende no aplika penalidade koima inklui iha reseita ne’e hotu.
“Maibé, resita ida ne’e ami seidauk inkuli Oekusse. Iha Oekusse ne’e postu atendimentu iha rua, postu integradu Fronteira Sakato ne’e maka ida husi WNI ne’e, depois postu integradu Oesilo ne’ebe liga ba iha Nafan, iha ne’eba mos halo atendimentu maibé neste kazu seidauk tama iha ami nia, sistema seidauk atualiza mai iha ne’e,” nia dehan.
Maibé orentasaun Primeiru Ministriu (PM) Kay Rala Xanana Gusmão, iha tinan kotuk orenta Autoridade Aduaneira halo ona formasaun ba Oekusse oan sira, tanba ne’e Autoridade Aduaneira sei kontinua forma nia ema sira iha ne’ebá, entermu de sistema, konta buat sira ne’e liga hotu sistema para, Oekusse ninia kolekasaun reseita dados ne’e entegra mai iha sistena ne’ebe adopta iha Nasional.
