Reportajen Umbelina dos Reis
Diretor Ezekutivu Centro Nasional Chega Hugo Maria Fernandes hateten asina nota entendimentu Klibur Sobrevivente Feto PIRILAMPU ne’e obrigasaun estadu atu banati tuir instituisaun ne’ebe governu estadu responsbiliza ba vitima funu nian. Asosiasaun vitima hosi instituisaun tolu mak reprezenta vitima konflitu politiku ida ne’e. Nune’e CNC agradesimentu organizasaun PIRILAMPU ne’ebe organiza ama sira estabelese PIRILAMPU sai tan forsa ba sosiedade atu kontinua ko’alia konaba komprimenta estadu.
” Nota Entendementu ida ne’e parte rua mak ita tau prioridade mak primeiru kapasidade ba dezenvolvimentu segundu nota entendimentu ne’ebe mak ita sei tulun malu iha dezenvolvimentu institusionál”. Dehan Diretor Ezekutivu Centru Nasional Chega, Hugo Maria Fernandes, iha salaun CNC antigu komarka balide, tersa-feira, 27/01.
Objetivu prinsipal hosi asina nota entendementu ne’e hosi parte rua (CNC IP-PIRILAMPU) atu servisu hamutuk hodi implementa rekomendasaun sira hosi relotóriu chega! no mos relatóriu per memoriam ad spem (PMAS), ligadu ho politika reparasaun no solidariedade ba sobrevivente PIRILAMPU, vitima violasaun seksual no mos tipu violasaun sira seluk
“fortalesementu institusional grupu feto PIRILAMPLU, apoia implementasaun atividade hanesan, rejista no atualiza baze dadus vitima violasaun direitu umanus pasadu ne’ebė Inan-feton sira hasoru, apoia tekniku hodi dezenvolve politika, estratėjia, advokasia no programa PIRILAMPU nian, apoia finanseiru hodi implementasaun programa sira, apoia dezenvolve sistema jestaun administrativu no finansas, ne’ebe mak efikásia no efisiente ba sekretariadu klibur sobrevivente feto PIRILAMPU, fasilita dezenvolvimentu kapasidade Institusional nian.” Nia dehan.
Alende ne’e, organiza rede advokasia ba sobrevivente sira iha nasional no munisipiu, organiza eventu komemorasaun loron istoriku, apoia rejistu vitima no sobrevivente, halo prezervasaun memória pasadu, no mos suporta no hametin atividade hakbiit ekonomia sobrevivente sira hosi nasional no munisipiu haktuir iha rekomendasaun Chega! no per memoriam ad spem! ne’ebe ko’alia kona-ba knar solidariedade.
Prinsipiu fundamenta hosi nota entendementu ne’e mak atu valoriza no dignifika vitima no sobrevivente sira nu’udar aktu rekoñesementu ba sobrevivente sira iha ámbitu implementasaun programa reparasaun. Alende ne’e, atu promove valores no espiritu sira direitu umanu, solidaria no servisu hamutuk hodi hetan tulun sira partisipa iha dezenvolvimentu nasional.
“Nota Entendementu ida ne’e válidu ba tinan tolu (3) hahu hosi periodu 2026 to’o 2028, no iha posibilidade bele hanaruk nia tempu, no mos bele muda ka hafoun ninia konteudu tuir nesesidade haruka.” Nia dehan.
Iha fatin hanesan Prezidente Klibur Sobrevivente Feto PIRILAMPU Maria Isabel de Jesus da Silva hateten, agradese tebes ba Centro Nasional chega ne’ebe atende ami nia pedidu ne’ebe ami hatoo nune’e bele reforsa ami nia prejensa klibur sobrevivente feto PRILAMPU 1974 to iha 1999 hahu halao ami nia servisu sekretariadu nomos programa sira neebe mak ami sei halao tuir mai liliu ba feto sobrevivente.
” ita bele servisu hamutuk hodi desenvolve diak liu tan ba neseidades ita nia maluk sobrevivente sira nia tuir programa neebe mak ita nia estado governu halo hodi apio nafatin iha futuru.” Nia dehan.
